Eins og glöggir veiðimenn hafa tekið eftir, þá brást Veiðikortið ekki væntingum og kom út fyrir síðustu jól. Ef að líkum lætur þá eru flestir búnir að blaða í gegnum veglegan bækling kortsins og kynna sér þær breytingar sem hafa orðið frá fyrra ári.

Nýtt vatn á kortinu er Hreðavatn í Norðurárdal ásamt Hólmavatni og Laxárvatni í Dölum sem koma nú aftur inn á kortið eftir smá fjarveru. Meðalfellsvatn í Kjós sem kom aftur inn á kortið s.l. sumar eftir örstutta fjarveru er nú formlega komið aftur inn, eflaust mörgum til ánægju. Verði kortsins er að venju stillt í hóf og kostar það aðeins 7.900,- kr. sem gera 232,35 kr. á vatn sé farið í öll 34 vötnin sem bjóðast, þó ekki nema einu sinni hvert þeirra.

Þau vötn sem hverfa (enn og aftur) af kortinu eru vötnin í Svínadal en þar að auki hverfur Hítarvatn nú af kortinu eftir að hafa verið með frá upphafi.

Upplýsingar um mörg þeirra vatna sem eru á kortinu má einnig finna hér á síðunni:

Upplýsingar um öll vötnin á Veiðikortinu má finna á heimasíðu kortsins og í bæklingi þess sem aðgengilegur er á netinu og auðvitað einnig hér á síðunni með öðrum merkum vefritum.

Fyrsta veiðivatn ársins er Nýjavatn í Veiðivötnum. Allar upplýsingar um vatnið má finna með því að smella á myndina hér að neðan.

Við munum halda uppteknum hætti hér á síðunni á nýju ári og bæta nýju vatni við í hverri viku fram til vors.

FOS.IS óskar öllum lesendum gleðilegs nýs árs með ósk um margar skemmtilegar stundir á nýju ári. Á undanförnum árum hefur dagatalið hér á síðunni verið opnað að jafnaði um 3.000 sinnum á ári og því hefur verður haldið í þann sið að setja saman dagatal ársins og birta hér á síðunni þegar nýtt ár gengur í garð. Í dagatalinu má finna tímasetningu árdegis- og síðdegisflóða, ásamt sólaruppkomu og sólalagi hvers dags ársins. Jafnframt má finna stöðu tungls, þ.e. nýtt tungl, fyrsta kvartils, fulls tungls og síðara kvartil. Dagatalið má nálgast með því að smella hérna.

Þótt stutt sé frá árinu 2017, þá var ég eiginlega búinn að gleyma því hvernig sumarið æxlaðist og þurfti því aðeins að grafast fyrir um ástæður þessara talna.

Haustið var undirrituðum sérstaklega happasælt uppi á hálendi og því ná bláu súlurnar að skjóta þeim rauðu ref fyrir rass. Það vekur þó athygli að fyrstu tveir mánuður sumarsins voru eiginlega rauðliðar á meðan lítið gekk hjá þeim bláa.

Veiðivatn vikunnar er Nyrsta Hraunvatnið, systurvatn þess Stóra. Allar upplýsingar um vatnið má nálgast með því að smella á myndina hér að neðan.

Í næstu viku munum við færa okkur sunnar og vestar, því þá kemur eitthvað alveg nýtt vatn inn á síðuna í tilefni nýs árs.

Óskum lesendum okkar ánægjulegrar hátíðar og fullt af veiðigjöfum.