Ekki þurfa allir listar að vera skráðir. Með tíð og tíma verða til listar í kollinum á hnýtaranum sem hann hefur í huga þegar hann hnýtir. Einn þessara lista sem ég hef myndað mér er hvar festa skuli tiltekna hluta flugunnar á öngulinn.
| Hluti flugunnar | Staðsetning | Stærð | Athugasemdir |
| Hnýtingarþráður festur | Rétt aftar við auga flugunnar | 4-5 vafningar | Sumar flugur þarf að undirbyggja alveg aftur að bug og þá er það gert um leið og þráðurinn er festur |
| Broddur | Við leggenda | U.þ.b. jafn langur og haus flugunnar er áætlaður | Hnýtt frá búk og aftur og til baka |
| Skott | Festing ekki aftar en í flútti við odd önguls. | 1 til 1,5 sinnum lengd leggjar. | Flestar púpur eru með helmingi styttra skott |
| Rass | Rétt framan við skott | Einn eða tveir vafningar af efni | |
| Vængstæði | Frá skotti og fram að haus | Á púpum er vængstæði gjarnan aðeins yfir frambúk | |
| Vöf | Vafið grysjótt yfir búkinn | 4-6 vafningar með góðu bili á milli. Færri fyrir dubbaðan búk. | Algengast er að hnýtarar vefji of oft yfir búk, gætið að því að undirliggjandi efni sjáist vel |
| Dubb | Byrjar við skott og fram að haus. | Byrja smátt, alltaf má bæta við | Búkur púpu er yfirleitt afturmjókkandi |
| Skegg púpu | Rétt aftan við haus | U.þ.b. ¼ leggjar | |
| Skegg votflugu | Rétt aftan við haus | Ætti að snerta odd öngluls | |
| Skegg straumflugu | Rétt aftan við haus | Ætti að ná næstum að bug önguls | |
| Vængur votflugu | Fast við haus | Örlítið lengri en leggurinn | |
| Vængur staumflugu | Rétt aftan við haus | Allt að tvöföld legglengd |
Tekið skal fram að þessi listi verður eflaust breytilegur eftir stíl hvers og eins hnýtara. Einhverjum gæti þótt þetta óþarfa listi, en hafa ber í huga að þessi atriði geta vafist fyrir byrjendum.
