Hraunsfjörður – smellið fyrir stærra kort

Snæfellsnesið hefur alltaf einhverja dulúð yfir sér og þar er Hraunsfjörður engin undantekning. Margir hafa lagt leið sína í fjörðinn, sumir hafa aldrei farið innar en að stíflunni við Mjósund en aðrir hafa látið sig hafa langar göngur í hrauninu að austan og norð-austan.

Hraunsfjörðurinn kemur yfirleitt snemma til á vorin og margir hafa gert fantagóða veiði þar í apríl og maí. Aðrir láta ekki sjá sig í firðinum fyrr en í júlí og enn aðrir kíkja ekki fyrr en síðsumars þegar laxinn gengur inn fjörðinn.

Sjálfur hef ég helst verið á höttunum á eftir sjóbleikjunni sem er algjört sælgæti, gerist vart betri hér á landi og yfirleitt nóg af henni. Kúnstin er bara að plata hana til töku. Sumum veiðimönnum gefst best að veiða á flóðinu, öðrum gengur ágætlega hvernig sem stendur á sjávarföllum og sættast við nóg í soðið eða á pönnuna.

Hraunsfjörðurinn er innan vébanda Veiðikortsins og hefur verið um árabil.

Hvern háttinn sem menn hafa á heimsóknum í fjörðinn, þá eru þær alltaf þess virði. Hraunsfjörður er að mínu mati vanmetinn staður sem hefur orðið svolítið fyrir barðinu á slælegri umgengni og frjálslegum veiðiaðferðum. Veiðimenn eru hvattir til að sýna náttúrunni þá virðingu sem hún á skilið og fara eftir umgengnisreglum sem landeigendur/rétthafar hafa gefið út.

Á kortinu eru vegir táknaðir með gulu, vegslóðar og troðningar með gráu en gönguslóðar með rauðu. Vert er að geta þess að vegslóðinn frá Snorrastöðum og inn að Fjarðarhorni er varhugaverður og alls ekki fær nema sérlega vel útbúnum bílum.

fos_div

Kort
Kort
Veður
yr.no
Veðurspá
Veiði
Veiði
Veiðikortið

fos_div

Peacock: Maí,Júní,Júlí
Peacock m.orange skotti
Hérinn: Júní
Mýsla: Júlí
Alma Rún: Júní,Júlí
Marfló – græn
Marfló - rauð
Marfló – rauð
Krókurinn: Maí,Júní
Pheasant Tail: Maí,Júní