Vatnsdalsvatn er í Vatnsfirði á Barðaströnd og hefur verið inni á Veiðikortinu um nokkurt skeið. Stutt er til sjávar úr vatninu og það stendur nærri sjávarmáli þótt ekki gæti þar flóðs og fjöru.

Þekktir veiðistaðir eru fyrir miðju vatnsins að vestan, við útfall þess og víða við vatnið austanvert. Gott aðgengi er að vatninu að vestan, en töluverður gangur ef veiða skal við það að austan.

Megin uppistaða fiskjar í vatninu er bleikja, bæði staðbundin og sjógengin, og eitthvað er um að stöku lax geri þar vart við sig. Bleikjan er frá einu pundi og upp að þremur, en fyrir kemur að stærri fiskar veiðist þar.

Rétt er að taka það fram að það er með öllu óheimilt að tjalda við vatnið og hefur veiðimönnum verið vísað á tjaldstæðið við Flókalund sem stendur rúmlega 2 km. vestan við Vatnsfjörð.

Þess ber að geta að undirritaður hefur aldrei brugðið flugu í þetta vatn og því eru þær flugur hér að neðan settar inn skv. afspurn þeirra sem gefið hafa í vatninu.