Kristján Friðriksson

Fræðslufundur um fiskirækt

9. mars 2019

Fréttir

Upp

Forsíða

Veiðifélag Landmannaafréttar boðar til fræðslufundar um fiskirækt í Veiðivötnum og vötnunum sunnan Tungnaár, sunnudaginn 24. mars kl.15:00 í Árósum, félagsheimili Ármanna, Dugguvogi 13 í Reykjavík.

Á fundinum munu þeir Magnús Jóhannsson og Benoný Jónsson frá Hafró á Selfossi segja frá fiskirannsóknum undanfarin ár í Veiðivötnum og Framvötnum, þ.e. vötnunum sunnan Tungnaár. Heyrst hefur að þá muni veiðifélagið kynna eitthvað mjög spennandi og skemmtilegt sem býðst veiðimönnum á sumri komandi í veiði.

Fundurinn er öllum opinn og áhugamenn um þessi vinsælu veiðisvæði eru hvattir til að mæta og fræðast nánar um fiskirækt og ástand fiskistofna á þessum svæðum.

FOS.IS vill að þessu tilefni vekja athygli á að nú fara síðustu vötnin í Veiðivatna-seríunni að koma fram hér á síðunni og þegar hefur öllum vötnunum sunnan Tunganár verið gerð góð skil hér. Nánar má skoða umfjöllum um þessi veiðisvæði með því að smella á myndirnar hér að neðan:

Veiðivötn á Landmannaafrétti

Framvötn sunnan Tungnaár

Höfundur:

Kristján Friðriksson
Vatn vikunnar – Skyggnisvatn

8. mars 2019

Fréttir

Upp

Forsíða

Veiðivatn vikunnar er Skyggnisvatn í Veiðivötnum. Allar upplýsingar um vatnið má finna með því að smella á myndina hér að neðan.

Skyggnisvatn í Veiðivötnum

Í næstu viku bregðum við okkur aftur yfir Vatnakvíslina og kíkjum á eitt af stærstu vötnum svæðisins.

Höfundur:

Kristján Friðriksson
Intermediate línur

6. mars 2019

Línur og taumar

Upp

Forsíða

Það er ekkert leyndarmál að eftir að ég komst í kynni við hægsökkvandi línur, þ.e. intermediate þá hefur verulega dregið úr álagi á flotlínurnar mínar. Þegar þetta er ritað, þá á ég tvær mismunandi hægsökkvandi línur; slow intermediate sem sekkur um 0,5 tommu á sek. og fast intermediate sem sekkur um 1,5 tommur á sek. Báðar eru þær WF (e: weight forward) þannig að það er nánast enginn munur á að kasta þeim m.v. hefðbundna flotlínu. Þyngd þessara lína er í raun lítið meiri en flotlínu, en eiginleikum þeirra til að sökkva undir yfirborð vatnsins er fyrst og fremst náð með því að hafa línuna grennri þannig að hún sker yfirborðið.

Það eru einnig til þær hægsökkvandi línur þar sem þessum eiginleikum er fyrst og fremst náð með því að bæta tungsten eða öðrum þungum ögnum í kápuna, en þá eru þær yfirleitt sverari og virka til muna þyngri í kasti heldur en flotlínur.

Þá fyrri finnst mér tilvalið að nota fyrir t.d. votflugur eða léttar púpur sem ég vil veiða 10 – 15 sm. undir yfirborðinu, sérstaklega þegar einhver vindur er á vatninu sem hrakið gæti línuna til.

Þá hraðari nota ég reyndar mest. Ræður þar mestu að hún sekkur jafnt og vel og ég þarf þarf ekki að bíða lengi þar til hún hefur náð kjördýpt hornsíla og flestra tegunda púpa. Þar sem straums gætir, svo fremi að hann er ekki of mikill, þar kemur fast intermediate línan að svipuðum notum og hrað- eða framsökkvandi sökklína í stríðum straumi. Kemur flugunni vel niður áður en straumurinn tekur línuna og framkallar óeðlilegt drag og hrifsar þannig fluguna af því svæði sem ég vil veiða hana á.

Síðan skemmir það auðvitað ekki að þar sem þessar intermediate línur mínar eru töluvert mjórri heldur en hefðbundin flotlína, þá taka þær minni vind á sig, sem er ótvíræður kostur á landi eins og Íslandi.

Höfundur:

Kristján Friðriksson
Vatn vikunnar – Skeifan

1. mars 2019

Fréttir

Upp

Forsíða

Veiðivatn vikunnar er að vanda úr Veiðivatnaklasanum. Að þessu sinni er það Skeifan, eitt Hraunvatnanna. Allar upplýsingar um vatnið má finna með því að smella á myndina hér að neðan.

Skeifan í Veiðivötnum

Til viðbótar öllum Veiðivötnunum sem hafa komið hér fram er hægt að finna hér upplýsingar um Veiðivötn í heild sinni, kort og tengla á ítarefni og auðvitað uppdrátt að svæði Veiðifélags Landmannaafréttar við Tjaldvatn með nöfnum veiðiskálanna.

Höfundur:

Kristján Friðriksson
Febrúar er liðinn

1. mars 2019

Fréttir

Upp

Forsíða

Febrúarflugum 2019 er lokið. Þetta árið jöfnuðu hnýtarar fjölda flugna frá því í fyrra; 523 flugur. Meðlimir í hópinum á Fésbókinni bættu um betur og fjölgaði úr 247 í 335 og gestum á viðburðum Febrúarflugna fjölgaði einnig.

FOS.IS þakkar öllum hnýturum, fylgjendum og styrktaraðilum fyrir ómetanlega góðar stundir þennan mánuð.

Myndasafn með öllum flugum ársins má skoða með því að smella hérna og hér að neðan má finna nöfn þeirra sem hlutu viðurkenningar frá styrktaraðilum okkar þetta árið fyrir sitt framlag.

Að 11 mánuðum liðnum vonumst við til að sitja hér spennt og skoða fyrstu flugurnar sem birtast í Febrúarflugum 2020.

Veiðikortið 2019 og veiðihúfu ársins hlýtur Benedikt Magnússon

Vesturröst gaf Orvis Clearwater flugustöng og sá heppni var Skúli Thorarensen

Úrval af hnýtingarefni og hnýtingarbúnaði frá JOAKIM’S hlýtur Erlingur Snær Loftsson

JOAKIM’S gaf vandaða ferða-hnýtingarþvingu og sá heppni var Gísli Már Árnason

Árvík hf gaf Fishpond Road Trip hnýtingartösku og sá heppni var Sigurður Árni Kristjánsson

Veiðikortið 2019 og veiðihúfu ársins hlaut Steingrímur Ólason.

Veiðikortið 2019 og veiðihúfu ársins hlýtur Gustav S. Guðmundsson

Mistur gaf drykkjarflösku, nestispoka og ferðasápu og sá heppni var Andri Rafn Helgason

Flugubúllan gaf úrval efnis frá Frödin flies og áritaða handbók og sá heppni var Auke van der Ploeg

Drykkjarflösku, nestispoka og ferðasápu frá Mistur hlýtur Gunnar Ari Guðmundsson

Veiðihornið gaf RIO Gold flugulínu og sá heppni er Sigurberg Guðbrandsson

Sage Sectrum C fluguveiðihjól sem Veiðihornið gaf hlýtur Steinar Vignir Þórhallsson

Höfundur:

Kristján Friðriksson
Fjórleikur mýflugunnar 4:4

27. febrúar 2019

Lífríkið

Upp

Forsíða

Lokaþáttur fjórleiksins greinir frá afdrifum þeirra flugna sem ná að brjótast upp úr vatninu, verða að fulltíða einstaklingum í afar skamman tíma.

Lokastig lífsferils mýflugunnar er vitaskuld fullvaxta fluga. Þá erum við farin að tala um örsmáar þurrflugur sem sitja á yfirborði vatnsins, nýta sér yfirborðsspennuna og líkja þá eftir flugum sem annað hvort hafa ný lokið við að brjótast út úr púpunni eða eru á síðustu augnablikum ævinnar þegar þær koma til baka út á vatnið til að leggja grunninn að næstu kynslóð, verpa. Þetta síðasta lífsstig mýflugunnar varir einna skemmst af öllum fjórum stigunum og varir að öllu jöfnu ekki nema dag eða nokkra daga. Fljótlega eftir að flugan tekur á sig fullvaxta mynd, makar hún sig og verpir eggjum næstu kynslóðar í vatnið.

Veiðimenn geta því nýtt sér tvenn tækifæri til að egna fyrir fisk þegar flugan hefur náð fullum vexti; þegar hún hvílir á vatninu eftir að hafa brotist úr út púpunni og þegar hún kemur aftur og verpir. Hvoru tveggja varir aðeins í afar skamma stund og því er eins gott að vita nákvæmlega hvar þurrflugan er í boxinu.

Höfundur:

Kristján Friðriksson