Veiðivötn vikunnar eru tvö, Skeifupyttla og Stórapyttla. Allar upplýsingar um vötnin getur þú nálgast með því að smella á myndina hér að neðan.

Að viku liðinni munum við bregða okkur til norðurs og kynnast einu af gígvötnunum sem þar eru.

Einn dyggasti styrktaraðili Febrúarflugna í gegnum árin er Árvík. Fyrirtækið hefur skapað sér fastan sess í hugum stangaveiðimanna á undanförum áratugum, rótgróið og öflugt. Meðal vörumerkja Árvíkur má nefna flugustangir frá Scott, breiða vörulínu Loon, töskur og vesti frá Fishpond, hnýtingaráhöld frá Stonfo og Griffin að ógleymdum Kamasan önglunum sem allir fluguveiðimenn þekkja.

Það er vart til sá stangaveiðimaður á Íslandi sem ekki hefur snert á og reynt einhverjar af vörum Árvíkur í gegnum tíðina.

Veiða.is er með stærstu söluvefjum veiðileyfa á Íslandi og kemur nú sterkur inn sem styrktaraðili Febrúarflugna í fyrsta skiptið. Á vefnum er hægt að nálgast upplýsingar um fjölmörg veiðisvæði en jafnframt kappkosta þeir að bjóða uppá fjölbreytt úrval veiðileyfa, bæði í lax og silung, hvort sem er í vötn eða ár.

Á Veiða.is er að finna fjöldann allan af veiðileyfum fyrir komandi sumar og sífellt bætast ný veiðileyfi við í viku hverri.

Í gærkvöldi var fyrsta hnýtingarkvöld Febrúarflugna þetta árið haldið í Árósum. Eitthvað á þriðja tug gesta mætti á staðinn og stemmingin var létt og leikandi. Töluverður fjöldi mætti með eigin hnýtingargræjur og FOS.IS til óblandinnar ánægju voru uppsett hnýtingarsett ekki látin standa ónotuð og töluvert skrafað um hinar og þessar flugur. Nokkrir þeirra sem þegar hafa sett inn flugur mættu, aðrir sem enn eiga eftir að leyfa okkur hinum að njóta voru líka meðal gesta, greinilega að vega og meta hvaða flugur þeir ættu að setja inn á hópinn í vikunni.

Vesturröst hefur verið dyggur styrktaraðili Febrúarflugna frá fyrstu tíð. Í Vesturröst fást allar stangaveiðivörur og þar er að finna mikið úrval hnýtingaefnis og einmitt á þessum tíma árs berst þeim hver sendingin á fætur annarri af nýju og hefðbundnu efni til fluguhnýtinga.

Það er því vel þess virði fyrir áhugamenn um fluguhnýtingar að kíkja reglulega við í Vesturröst á Laugaveginum.

Febrúarflugur eru nú á sínum fjórða degi þetta árið og undirtektirnar hafa verið hreint út sagt frábærar. Fjöldinn allur af flugum hafa komið inn á Fésbókarhópinn og það er sérstaklega ánægjulegt að sjá mörg ný nöfn meðal hnýtara. Við reynum eftir föngum að uppfæra síðuna okkar hér á FOS.IS þar sem við söfnum öllum flugunum þannig að þeir sem ekki eru á Fésbókinni geti líka fylgst með. Flugurnar má sjá með því að smella hérna.

Og það eru ekki aðeins flugurnar sem streyma inn. Nýir félagar í hópnum eru nú orðnir 30 á þessum fjórum dögum og fylgjendur átaksins því að renna í 300 auk þeirra ríflega 800 sem fylgjast með á Fésbókarsíðu FOS.IS og hér á síðunni.

Rétt eins og endranær næði FOS.IS ekki langt með að veita heppnum þátttakendum viðurkenningar ef ekki væri fyrir ómetanlegan stuðning styrktaraðila átaksins. Þetta árið eru það 9 aðilar sem styðja við átakið með ýmsum hætti og meðal þeirra er Flugubúllan í Hlíðarsmára. Flugubúllan hefur stutt dyggilega við átakið á undanförnum árum og það gera þeir ennþá. Við þökkum Flugubúllunni kærlega fyrir stuðninginn.

Að lokum langar okkur að vekja athygli á því að í kvöld, mánudagskvöldið 4. febrúar er fyrsta hnýtingarkvöld Febrúarflugna í samstarfi við Ármenn. Félagsheimili Ármanna, Árósar opnar kl. 20:00 og það eru allri velkomnir, reyndir sem óreyndir. Of það sem meira er, gestir þurfa ekki að eiga hnýtingargræjur því það hafa verið settir upp þrír hnýtingarbásar með helstu verkfærum og efni ef áhugasamir vilja prófa. Við mælum með einföldum og gjöfulum flugum fyrir byrjendur; Peacock og Pheasant Tail, en vilji menn spreyta sig á einhverju öðru þá má alltaf fletta í hnýtingabókum Ármanna í hugmyndaleit og láta reyna á færnina.

Veiðivatn vikunnar er Ónýtavatn fremra. Allar upplýsingar um vatnið má finna með því að smella á myndina hér að neðan.

Í næstu viku bregðum við undir okkur betri fætinum og smellum hér inn tveimur vötnum á verði eins. Ef þú hefur misst af einhverjum Veiðivatnanna, þá getur þú vitaskuld alltaf kíkt á safnið okkar af veiðivötnum með því að smella hérna.