Gleðifréttir fyrir þá óþolinmóðu, bæklingur Veiðikortsins er komin á vefinn og þú getur nálgast hann með því að smella hérna. Nú er um að gera að fletta honum fram og til baka og láta sig dreyma um vorið, það eru jú bara tæpir fjórir mánuðir þangað til við getum farið að byrja í fyrstu vötnunum. Þangað til er bara gaman að ylja sér inni við, hnýta nokkrar flugur og fletta bæklingnum.
E.S. vek sérstaka athygli á alveg prýðilega góðri grein á bls. 52-53 í bæklingnum.
Höfundur:
Eins og með svo margt annað er auðveldara að bæta við en taka af. Ég hef alltaf átt vanda til að nota of mikið dub á flugurnar mínar. Sumar hverjar líkjast meira Simba, konungi ljónanna heldur en veiðiflugu, þ.e. makkinn er slíkur að það sést nánast ekkert í fluguna sjálfa. Þetta lagast ekki ekki fyrr en ég hef í huga nokkuð sem ég las á einhverju blogginu, að taka þann skammt af dubbi sem maður telur sig þurfa í fluguna og helminga hann áður en maður byrjar á flugunni. Þá verður skammturinn nokkurn veginn eðlilegur. Svo er alltaf gott að hafa í huga að byrja smátt, það er auðveldara að bæta við heldur en grisja.
Höfundur:
Það er alltaf eitthvað að gerast. Nú eru t.d. flest desember/áramóta tölublöðin af veftímaritunum að koma út og ég reyni að fylgjast með þeim eins og ég get og uppfæri þau hér á síðunni.
Margir bíða spenntir eftir rafrænni útgáfu jólabókarinna í ár; bæklingi Veiðikortsins, en þangað til hann verður tilbúinn er um að gera að tryggja sér kortið sjálft hérna og eiga þá von á bókinni á pappír inn um lúguna fljótlega.
Stöku sinnum leiðrétti ég eða bæti við nýjum atriðum í eldri greinar. T.d. hrasaði ég um daginn yfir ágætis hnýtingarmyndband fyrir Black Zulu og bætti því við greinina um þá ágætis flugu.
Höfundur:
Núna, þegar maður er farinn að kíkja á hnýtingarsettið, taka það fram og byrja jafnvel að hnýta fyrir næstu vertíð, þá finnst mér ágætt að kíkja yfir nokkra punkta og ábendingar. Ég laumaði hér einu sinni inn ábendingu um að útbúa sína eigin dub-bursta úr íspinnaspýtu og mis grófum sandpappír. Annað áhald sem hentar ágætlega við dub’ið er maskara bursti. Mér sýnist flestar konur eigi svona græju sem endurnýjast víst með hverjum maskara sem keyptur er. Það er einfalt mál að þrífa svona bursta og þá er hann alveg tilvalinn til að ýfa dubbið aðeins á flugunum. Setjið nú upp verðlista fyrir flugur konunnar; 1.stk maskarabursti, sýnishorn úr prjónakörfunni, sokkabuxur og í rauninni allt sem ykkur dettur í hug að nota við hnýtingar og liggur á yfirráðasvæði konunnar.
Höfundur:
Nú er sala á Veiðikortinu fyrir næstu vertíð komin á fullt. Kortið má kaupa hér og að vanda fylgir því vandaður bæklingur sem sendur verður kaupendum heim að dyrum ásamt kortinu.
Örlitlar breytingar hafa orðið á þeim vötnum sem Veiðikortið veitir aðgang að; Elliðavatn, Hólmsá og Nátthagavatn bætast nú í hópinn en vötnin í Svínadal hverfa á braut (Geitabergsvatn, Þórisstaðavatn og Eyrarvatn).
Eins og venjulega er verið kortsins stillt í hóf (6.900,-) og má því áfram segja að það sé ótvírætt langsamlega hagstæðasti kostur veiðimanna í dag.
Allar nánari upplýsingar um kortið og veiðisvæðin má finna á vef Veiðikortsins.
Höfundur:
Ég hef verið að baksa við þurrflugurnar í morgun, en nú er mér öllum lokið. Þær hafa allar drukknað og sú síðasta sem ég prófaði í vatnsskálinni var svo örugg um að hún færi sömu leið og systur sínar að hún tók með sér björgunarhring.
Ég verð víst að endurskoða eitthvað fjaðrirnar mínar og aðferðir ef ég ætla að veiða eitthvað á þurrflugu næsta sumar.
.
24.11.2012 – Hilmar: Nei nei nei, þú ert rétt að byrja. Lenti í svipuðu dæmi þegar ég var að byrja! En þetta reddar málinu: Árvík Aðeins nánar ( sjá HOW TO USE): Loonoutdoors Þetta svínvirkar.
mbk, Hilmar
24.11.2012 – Hilmar: En ATH ekki nota Hydrostop á CDC fjaðrir, það eyðileggur þær.
mbk, Hilmar
Svar: Já, frúin kom með undradolluna sína og smurði einhverju á eitt kvikindið og sú lifði í það minnsta 2 klst. í baðinu án þess að sökkva. Kannski á ég mér einhverja von, verð að prófa þetta. Takk fyrir ábendingarnar.
E.S. það sem frúin lumaði á er: FlyTop
Höfundur:
FOS 