Steve Cullen, leiðsögu- og blaðamaður drepur niður fæti á Íslandi í nýjasta tölublaði This is Fly. Alveg prýðileg grein þar sem hann segir af ferð sinni og Lyn Davis á urriðaslóðir landsins, m.a. Þingvallavatn. Það segir svolítið um greinina að yfirskrift hennar er ‘Better Luck Next Time’ en því verður væntanlega ekki að skipta á morgun, laugardag hjá þeim sem leggja leið sína á urriðadans Jóhannesar Sturlaugssonar.

Greinina getur þú lesið með því að smella hérna.

Þær hafa e.t.v. bara verið pirrað mig, þessar auglýsingar sem hafa verið að birtast hér á síðunni, en nú er ég búinn að plæsa í þjónustu sem lokar á þær. Með þessu vonast ég til að síðan verði læsilegri og síður pirrandi fyrir þá 200-300 daglegu gesti sem líta við.

Næstu vikur verða stútfullar af pælingum um andstreymi, bæði veiðar og bara almennt andstreymi auk þess að ég velti fyrir mér skynfærum fisksins og hvaða augum hann lítur okkur mennina. Svo er aldrei að vita hvað fellur til innan um þá rúmlega 20 pistla sem ég hef þegar soðið saman.

Þú getur fengið tilkynningar um nýjar færslur með ýmsu móti, t.d. RSS áskrift, með Twitter eða á Facebook.

Eitthvað finnst mér eins og veiðiárið hjá mörgum sé orðið svolítið sölnað þessa dagana. Það er ekki laust við að maður sakni veiðifrétta á bloggsíðunum.

Þótt veðrið hafi e.t.v. ekki leikið alveg við okkur veiðimennina síðustu vikur, þá eru í það minnsta 20 dagar eftir af tímabilinu, 30 í mörgum vötnum og haustið er oft góður tími í vatnaveiði. Svo má ekki gleyma birtinginum, hann er að koma sterkur inn núna.

Og þá gefst öllum kostur á að reyna fyrir sér í Hlíðarvatni í Selvogi. Hvernig væri nú að koma sér snemma heim  á menningarnótt, vakna hress og renna austur í Selvog og taka þátt í Hlíðarvatnsdeginum?

Eins og undanfarin ár bjóða veiðirétthafar gestum og gangandi að reyna fyrir sér í vatninu frá morgni til kvölds. Það skemmir væntanlega ekki að undanfarið hafa nokkrar vænar bleikjur veiðst í Selvoginum en í ljósi þeirra fiska er ef til vill ekki út vegi að geta þess að það er einfalt mál að sleppa fiski veiddum á flugu og það er einstaklega viðeigandi þegar hryggningarfiskur hleypur á snærið.

Viltu lesa þér til um Hlíðarvatn í Selvogi? Smelltu þá hér og lestu prýðilega umfjöllum Ármanna um vatnið eða náðu þér í Hlíðarvatnsbækling veiðirétthafanna hérna.

Í vetur sem leið tók ég nokkrar ljósmyndir sem leyndust í fórum mínum og setti hér á síðuna með þessum formála:

Það er ekki óalgengt að veiðibloggarar séu einnig áhugamenn um ljósmyndun. Því miður er það nú svo að oftar en ekki gleymir maður ekki bara stund og stað þegar maður er við veiðar, heldur einnig því að myndavélin er með í för og því verður oft minna um myndatökur heldur en efni standa til. Samt sem áður hefur manni tekist að smella af nokkrum myndum og sjálfsagt að leyfa öðrum að njóta nokkurra þeirra. Þetta eru engin listaverk, en gefa þó mögulega einhverja hugmynd um stemminguna í tengslum við vatnaveiðina. 

Eitthvað hefur nú orðið minna af birtingum heldur en til stóð í upphafi, en ég hyggst bæta þar aðeins um betur á næstu dögum og vikum. Eftir ábendingu frá lesendum hef ég ákveðið að skipta fyrri myndum upp og skrifa smá texta með hverri mynd og þá helst um tökustaðinn og/eða tilefni frekar en tæknilegar útfærslur myndatökunnar. Eftir sem áður verða myndirnar aðgengilegar hér á síðunni undir Ljósmyndir.