Vatn vikunnar er Litlisjór í Veiðivötnum. Flestir sem komið hafa í Veiðivötn þekkja eitthvað til vatnsins og margir mjög mikið enda eitt vinsælasta vatn svæðisins. Það er því væntanlega ekkert margt nýtt sem kemur fram í umfjöllun um vatnið hér, en hver veit nema þetta gagnist einhverjum sem hyggja á sína fyrstu ferð í Veiðivötn á næsta ári. Allar upplýsingar um vatnið má finna með því að smella á myndina hér að neðan.

Í næstu viku munum við halda uppteknum hætti og bæta enn einu vatnið við á síðuna.

Vatn vikunnar er á tilboði, tvö vötn í einu; Litla Skálavatn og Litla Skálavatns pollur í Veiðivötnum. Allar upplýsingar um vötnið má nálgast með því að smella á myndina hér að neðan.

Að viku liðinni færum við okkur svolítið austar á Veiðivatnasvæðið.

Vatn vikunar er Litla Fossvatn, annað tveggja Fossvatna í Veiðivötnum. Allar upplýsingar um vatnið má finna með því að smella á myndina hér að neðan.

Hvað gerist eftir viku?

Veiðivatn vikunnar er Litla Breiðavatn. Til gamans má geta þess að nafn vatnsins er með yngri nöfnun í Veiðivötnum, lengi framan af var vatnið einfaldlega talið eitt af pyttlunum og bar ekkert sérstakt heiti þar til Litla Breiðavatn festist á því. Allar upplýsingar um vatnið má nálgast með því að smella á myndina hér að neðan.

Við höldum síðan áfram að viku liðinni og bætum þá einu vatni við í safnið.

Hér á síðunni eru nokkrar handhægar töflur yfir hitt og þetta, töflur sem geta komið að góðum notum við hnýtingar og ýmislegt fleira. Ein af þessum töflum er samanburðartafla króka frá nokkrum framleiðendum sem nú hefur verið uppfærð allverulega auk þess sem sverleika vírs og lengd leggjar hefur verið bætt við. Töfluna má finna hérna.

Auk þessa hefur nú verið bætt við nýrri töflu yfir nokkra algengra króka frá Kamasan í mismunandi stærðum sem hafa verið mældir að heildarlengd og vídd öngulbils.

Eflaust hafa fleiri en ég lent í því að ákveðin stærð króks frá einum framleiðanda er hreint ekki eins og sama stærð frá öðrum framleiðanda og því lítið að marka þegar maður segist vera að nota flugu #8 ef ekki fylgja upplýsingar um tegund króksins.

Það eru til nokkrar leiðir til að finna standard stærð króks en raunar er ekki til neinn einn staðlaður mælikvarði, þar liggur hundurinn grafinn. Sumir, þar á meðal ég, hafa nota svokölluð hook chart til að finna rétta stærð króka. Þessi kort eru ágæt til síns brúks, en því miður eru þessi kort alls ekki öll eins. Sum þeirra taka mið af asíu staðli, önnur local japönskum staðli og enn önnur bandarískum staðli eða evrópskum.

Til að komast hjá þessu hafa sumir hnýtarar valið sér ákveðinn krókaframleiðanda, mælt heildarlengd króka og öngulbil helstu stærða mismunandi króka og sett í töflu. Þessa töflu hafa menn síðan notað til að staðsetja króka í stærð og geta því alltaf sagt með nokkurri vissu að fluga sé í ákveðinni stærð viðkomandi framleiðanda. Mína töflu má nálgast hérna.

Vatn vikunnar ætti ekki að koma unnendum Veiðivatna á óvart, flestir hafa nú þegar gert sér grein fyrir því að vötnin koma einfaldlega hér inn í stafrófsröð og nú er komið að Langavatni. Allar upplýsingar um vatnið má finna með því að smella á myndina hér að neðan.

Í næstu viku höldum við áfram með stafrófið í Veiðivötnum og þá kemur ……