Einn öflugasti veiðileyfavefur landsins er VEIDA.IS og undanfarin ár hefur vefurinn styrkt Febrúarflugur með myndarlegum hætti og svo er einnig þetta árið. Á vefnum má finna veiðileyfi í fjölda veiðisvæða, bæði í lax og silung.

Auk veiðileyfa má finna fjölda lýsinga og upplýsinga um veiðisvæði um land allt á vef VEIDA.IS, ásamt reglulegum fréttum af gagni veiðinnar yfir sumarið. Um þessar mundir streyma laus veiðileyfi inn á vefinn, þannig að það er um að gera að fylgjast vel með.

JOAKIM‘S fluguveiðivörur þarf vart að kynna fyrir veiðimönnum og áhugafólki um fluguhnýtingar. Um árabil hefur JOAKIM‘S látið hanna fyrir sig flugustangir og fluguhjól og boðið veiðimönnum á Íslandi, ásamt því að bjóða upp á úrval hnýtingaefnis og tækja. JOAKIM‘S styrkir Febrúarflugur að vanda með gjafabréfum til handa tveimur heppnum hnýturum.

Opnunartími JOAKIM‘S er afar sveigjanlegur en viðskiptavinum er bent að setja sig í samband við Jón Viðar í síma 698-4651 eða senda tölvupóst með fyrirspurnum á joakims(hjá)simnet.is og fá að kíkja í skúrinn hjá honum. Þar kennir ýmissa grasa; flugustangir, veiðihjól, hnýtingarefni og margt fleira.

Fræðslunefnd SVFR, Flugucastið og Haugur blása til hnýtingakvölds á American Bar, mánudaginn 10. febrúar í tengslum við Febrúarflugur.

Fjöldi landsþekktra hnýtara verða á staðnum, þ.á.m. Sigurberg Guðbrandsson, Hilmar Hansson, Reiða Öndin, Hrafn H. Hauksson, Sigurður Héðinn og Sigþór Steinn.

Veiðimyndir á öllum skjám, tilboð á barnum og gríðarleg stemming í salnum. Hnýtarar hvattir til að taka með sér græjur og smella í nokkrar Febrúarflugur. Græjur á staðnum fyrir þá sem langar að grípa í nokkrar flugur.

Takið kvöldið frá og munið að það eru viðburðir í tengslum við Febrúarflugur í hverri viku mánaðarins.

Nýr styrktaraðili Febrúarflugna að þessu sinni er Fish Partner. Auk þess að standa fyrir Íslensku fluguveiðiakademíunni selja Fish Partner veiðileyfi um land allt í lax- og silungsveiði af ýmsum toga. Fish Partner leggja til þrjár viðurkenningar að þessu sinni; tvær stangir í Tungnaá, fjórar stangir í Geldingatjörn og tvær stangir í tvo daga í Blöndukvíslar.

Á heimasíðu Fish Partner má finna ýmsan fróðleik um veiðisvæði þeirra ásamt ýmsum gagnlegum upplýsingum og ábendingum um stangveiði á Íslandi.

Veiðiflugur á Langholtsvegi styrkja Febrúarflugur myndarlega að þessu sinni með því að leggja til gjafabréf fyrir einn heppinn hnýtara og Stonfo Transformer hnýtingaþvingu fyrir annan.

Vöruúrval Veiðiflugna byggir á traustum grunni þar sem er í fararbroddi eru vörur frá Griffin, Kamasan, Loon, Mustad, Partridge, Semperfli og Stonfo. Á heimasíðu Veiðiflugna má finna umfjöllum um þeirra helstu vörur, sjá hér og síðast en ekki síst allar hnýtingarvörurnar í vefversluninni hérna.

Líkt og undanfarin ár styrkir Flugubúllan Febrúarflugur. Að þessu sinni ætlar verslunin að leggja til úrval hnýtingaefnis fyrir einn heppinn hnýtara og gjafabréf fyrir annan. Jafnframt veitir Flugubúllan 15% afslátt af öllu hnýtingarefni í febrúar, bæði í verslun og í vefverslun ef notaður er afsláttarkóðinn: FEBRUARFLUGUR

Í Flugubúllunni má finna mikið úrval hnýtaefnis, tóla og tækja sem gleðja fluguhnýtara. Meðal vara í Flugubúllunni má finna vörur frá: Turall, Frödin Flies, Hareline og Fullingmill, svo eitthvað sé nefnt. Úrval hnýtingaefnis má skoða á vef verslunarinnar með því að smella hérna.