Viðsnúningur

Í fyrravetur gerði ég tilraun með að snúa litunum í einni af mínum uppáhalds flugum við. Í þessu tilfelli var það nú ekki erfitt því litirnir í Higa‘s SOS eru aðeins svartur, rauður og silfraður vír. Að vísu tók ég skrefið örlítið lengra vegna þess að mér finnst yfirleitt að gylt fari betur með rauðu heldur en silfrað. Sem sagt; allt sem er original svart á flugunni varð rautt, allt sem er svart varð rautt og gyllt leysti silfrað af hólmi.

Svartur og rauður Higa's SOS
Svartur og rauður Higa’s SOS

Það kom síðan í hlut Hlíðarvatns í Selvogi að sanna að rauður Higa‘s SOS virkar bara nokkuð vel. Eftir að hafa spænt mig án árangur í gegnum þekktar Hlíðarvatnsflugur, þar á meðal Blóðorm, brá ég á það ráð að setja þennan viðsnúning undir og viti menn. Tvær bleikjur létu glepjast og björguðu þessum annars mjög rólega degi mínum um miðjan júní. Þessa flugu prófaði ég síðan í tveimur öðrum vötnum s.l. sumar með alveg prýðilegum árangri og urriðanum þykir hún líka spennandi. Hér eftir verður báðar að finna í mínu boxi í stærðum #10, #12 og #14.

Admiral

Admiral
Admiral

Þessi kemur frá Bandaríkjunum og hefur í gegnum tíðina verið tengd Rear Admiral Eustace Baron Rogers sem var uppi á árunum 1855-1929. Sá var orðlagður fluguveiðimaður en ég hef ekki hugmynd um hvort hann eigi þessa flugu eða hvort hún var aðeins tileinkuð honum.

Kate McLaren

Kate McLaren
Kate McLaren

Þessi fluga var fyrst hnýtt af William Robertson fyrir John McLaren, föður Charles McLaren, veiðimanns og rithöfundar. Sá kom flugunni á framfæri í bók sinni The Art of Sea Trout Fishing sem kom fyrst út árið 1963. Allar götur síðan hefur Kate, mamma Charles, fylgt Skotum í óteljandi veiðiferðir.

Shetland Loch

Shetland Loch
Shetland Loch

Alls ekki viss um að þetta sé heiti flugunnar, frekar en almennt heiti flugna af þessu tagi. Fann þessa á veraldarvefnum með kommenti á óræðu tungumáli sem Google Translate gat ekki þýtt fyrir mig á ensku eða íslensku.

Orkinn

Orkinn
Orkinn

Eftir að hafa verið að fletta flugum frá Orkneyjum og víðar varð þessi til sem tilraun til að stæla flugur frá norðanverðum Bretlandseyjum. Stuttur krókur, orange búkur með gyltu tinsel og ein Ringneck Pheasant fjöður, það er nú allt og sumt.