Þessi ku vera góð í birtinginn og eitthvað kannast ég við handbragðið. Það skildi þó ekki vera að Birtingaslettir sé einhver sem ég þekki.

Það eru mestar líkur á að Hnútaþyrill hafi rekið augun í FOS.IS, þetta líka ljómandi Árórugarn í pakka dagsins.

Hann getur alveg örugglega gefið manni langt nef með þessari græju, hann Fiskiþefur. Takk, Þebbi, nú á ég stað fyrir allar taumaklippurnar frá bræðrum þínum.

Ég er satt best að segja ekki alveg að átta mig á öllum þessum sveinum. Önglaflækir gæti mögulega verið sá sem tekur til í hnýtingarönglunum og ruglar tegundum saman? Takk, Önglaflækir alhliða hnýtingarþráður kemur sér alltaf vel.

Hinn eini sanni Veiðimannavinur læddist að með græskulausa auglýsingu á sjálfum sér, það verður gott að narta í þetta fram að jólum.

Blessaður öðlingurinn, hann Kúlusníkir færði mér þetta í pakka dagsins. Ég fer alveg að gefast upp og taka til á hnýtingarborðinu mínu.