Jólasveinn dagsins er Flugnafeikir og hann veit greinilega að það er aldrei til of mikið af Peacock, best að taka til á borðinu og hnýta smá.

Ég hef grun um að þýsk-ættaður jólasveinn, Meistarasveinn hafi laumað þessum tveimur í silunganetið, einni fyrir mig og annarri fyrir veiðifélagann.

Það var nú alveg eftir því að Stúfssvelgur laumaði einum jólaöl í pakkaflóðið. Þetta má, það er nú einu sinni föstudagur.

Jólasveinn dagsins er Öngulrassi og hann sendi mér grubber öngla. Velti því fyrir mér hvort hann vanti einhverja ákveðna flugu?

Úr pakka dagsins, sem var frá Fiskifæli, kom þessi líka Nobbler með viðhengi og löppum. Finn á mér að Veiðivatnaurriðar verði forviða þegar þessi fer útí.

Það bar aldeilis vel í veiði í dag, fullur silungapoki með 24 vandlega númeruðum pökkum í. Pakki #1 var frá sveini sem kallar sig Rugludallur og í honum voru þessar líka fínu taumaklippur sem mér sýnist vera úr byssustáli, lífstíðareign.