Sauðafellsvatn

Sauðafellsvatn er nýtt og spennandi vatn í flóru vatna sem liggja á mörkum hálendisins. Þetta vatn er á forræði Veiðifélags Landmannaafréttar rétt eins og Veiðivötn og Framvötn en selt er sérstaklega í það og aðeins á vefnum saudafellsvatn.is

Vatnið er 0,6 km2 og er í 324 metra hæð yfir sjávarmáli og liggur rétt norðan Heklu við jaðar Skjólkvíahrauns. Vatnið var fisklaust fram til 1993 þegar í það var sleppt urriða af Grenlækjarstofni sem greinilega hefur náð að nýta sér lindir í vatninu til viðkomu og þannig náð að viðhalda stofninum.

Aðeins er leyfð fluguveiði í vatninu og umferð báta er bönnuð þannig að ekkert ætti að raska kyrrð og ró veiðimanna við vatnið. Umhverfi vatnsins sem minnir um margt á Veiðivötn, svartur sandur og stórbrotið umhverfi gera veiði í vatninu að upplifun sem erfitt er að toppa.

Leiðarlýsing

Aðkoma að vatninu er með ágætum en mælt er með að veiðimenn séu á aldrifsbíl því vegspottinn inn að vatninu frá Landmannaleið (F225) getur verið seinfarinn.

Veiðivörslu við vatnið annast ferðaþjónustan Áfangar ehf, sem hafa aðsetur sitt í Áfangagili, skammt norð-austan við vatnið.

Tenglar

Flugur

Nobbler (svartur)
Nobbler (orange)
Nobbler (olive)
Black Ghost

Myndir

Vötnin

Vesturland
Norðvesturland
Norðausturland
Austurland
Suðurland
Hálendið

Veistu ekki alveg hvar efnið er að finna sem þú sækist í? Prófaðu þá að leita á síðunni