Að þessu sinni er mér málið örlítið skylt og því langar mig að vekja athygli á veglegu sumarblaði Veiðimannsins, málgagns stangveiðimanna, sem kom nýverið út.

Þetta tölublað er óvenju efnismikið og víða hefur verið leitað fanga. Meðal efnis eru veiðistaðalýsing á Úlfarsá, sem sumir kalla Korpu, frásögn af einni minna uppáhalds, Black Zulu og leitað álits veiðimanna og spekúlanta á vindátt og veiði hérna á Íslandi þar sem undirritaður á smá innlegg.

Áskrifendur geta vænst þess að blaðið detti inn um bréfalúguna hvað úr hverju, aðrir geta nálgast það í helstu veiðiverslunum landsins og kostar það 2.190,- kr. í lausasölu.