Aldrei verður góð vísa of oft kveðin. Að heimsækja góðan kastkennara er gulls í gildi. Nú ætlar Börkur Smári Kristinsson, FFF flugukastkennari að halda námskeið fyrir byrjendur og lengra komna á Miklatúni í júlí. Tímasetningin á þessum námskeiðum er alveg hreint frábær, öll byrja þau kl.19 og standa í 2 klst. þannig að enginn hefur afsökun fyrir því að komast ekki sökum vinnu.

Nú er bara að drífa sig, hvort sem þú ert byrjandi eða lengra kominn, það hafa allir gott af því að fá smá tilsögn þó ekki væri nema til að leiðrétta einhverjar villur sem hafa grafið um sig í kastinu. Allar nánari upplýsingar á blogginu hans Barkar sem má nálgast hérna.