Og ekki gerði þessi verri hluti í Sléttuhlíðarvatni. Vængur samsettur úr rauðri hænufjöður og marabou, rautt skegg og búkurinn (sést ekki mjög vel á mynd) vafinn úr grænu tinsel. Skottið útbúið úr ríkulegum vöndli af fínum grænum og rauðum tinsel-strimlum. Ekkert annað nafn kom til greina. Eggjandi, öflug og umhverfisvæn. Tryllir letilega urriða á botni (með sökktaum) og æsir þá spræku á yfirborðinu (með flottaum).
Höfundur:
Grundvallaratriði – framkastið eins og The New Fly Fisher kynnir það.
Fleiri myndbrot frá The New Fly Fisher er að finna á YouTube
Höfundur:
Skruppum í jómfrúarferð í Hítarvatnið. Komum okkur fyrir í hrauninu austan við Hólm og veiddum mest þar og inn að Hólmi, en kíktum líka í víkina vestan við tangann. Fengum 2 á spún, 2 á flugu og 8 á maðk. Ekkert síðri veiði rétt fyrir hádeg heldur en að kvöldi. Nokkur vindur sem losaði okkur við fluguna sem varð skæð þegar lygndi. Mikil traffík við vatnið og margar sögur af fyrri afrekum (60+ stykki á 4 tímum o.s.frv.) Fórum sátt miðað við afla annarra á staðnum þótt stærð fiska hafi ekki verið neitt rosaleg, frá 1/2 pundi og upp úr.
Höfundur:
Hver segir svo að Kleifarvatnið sé dapurt? Fórum þrjú saman og eyddum hálfum degi í flottu veðri og fengum tvo ágætis fiska á maðk, 2 pund og 3.5
Höfundur:
Hef ekki minnstu hugmynd um hvernig ‘Haul’, hvað þá ‘Double Haul’ hefur verið þýtt yfir á íslensku. Ef menn vilja sjá hvernig Google þýðir ‘Haul’ yfir á íslensku þá má kíkja hér. Hvað um það, hérna er þokkaleg klippa sem ég fann á YouTube.
Höfundur:
Að vísu er þetta hrein og klár auglýsing frá Leland Fly Fishing, en það má samt finna nokkur góð ráð hérna.
Höfundur:
FOS 