Fluguveiði – Síða 83

Kleifarvatn 17.júlí

18. júlí 2010

Veiði

Upp

Forsíða

Jú, verð að setja svona mynd á söguna því ég fékk einn mjög vænann urriða og missti annan. Stóri bróðir fékk einn líka. Betri helmingurinn kom heim með öngulinn í rassinum.

Get ekki orða bundist yfir umgengni manna við vatnið. Maður er orðinn nokkuð vanur því að flækjast í girnisafgöngum og ýmsu drasli sem menn skilja eftir sig. En, að festa í plastpoka í vatninu með haus og úldnum innyflum er svolítið of mikið. Hvað í andsk….. gengur mönnum eiginlega til? Er það virkilega til of mikils mælst að menn takið með sér og komi í sorpílát því sem menn ekki éta eða vilja hirða? Fyrir utan það að henda slógi aftur í vatnið viðheldur aðeins ormi og óværu í fiskinum. Ef menn geta ekki hugsað sér að taka slóg með sér, þá er skárri kostur að urða það í móanum þannig að vargurinn komist ekki í það og beri orm og egg aftur í vatnið.

Höfundur:

Kristján Friðriksson
Hlíðarvatn, Hnappadal 14.-15.júlí

18. júlí 2010

Veiði

Upp

Forsíða

Brjáluð veiði báða dagana. Vorum tvö saman (eins og venjulega) og tókum 51 stk. sem voru á bilinu 1/2 – 1 1/2 pund. Fengum leyfi hjá Guðmundi á Heggstöðum og vorum mest í víkinni vestan Sandfells. Næstum allir komu á land með spún, helst svartur Toby eða svartur og gylltur spinner. Heyrðum skýringar á skiptingu tegunda í vatninu frá staðkunnugum; urriðinn heldur sig lang mest vestan Sandfells að Álftatanga, en (stór) bleikjan heldur sig mest í dýpinu við Álftatanga og vestur í hraunið fyrir landi Hraunholts. Eitthvað minnsta vatn í vatninu sem við höfum séð, vantaði minnst 2,5 m upp á vatnshæðina.

Á leiðinni heim fórum við norður Heydal og í Haukadalsvatnið. Eftir smá skoðunartúr meðfram vatninu fundum við okkur stað fyrir fellihýsið og tjölduðum í þeirri von að strekkingsvind sem var á staðnum myndi lægja með kvöldinu. En það varð ekki. Þvert á móti, þannig að við pökkuðum saman og fórum heim með smá krókum.

Höfundur:

Kristján Friðriksson
Langavatn 9.-11. júlí

12. júlí 2010

Veiði

Upp

Forsíða

Ágætis ferð í Langavatn í Borgarfirði. Tókum heim með okkur 11 þokkalegar bleikjur eftir tvo daga, ef ég tel sunnudag ekki með vegna rosalegrar rigningar (hagl) rétt fyrir síðdegisveiðina sem sendi væntanlega allan fisk niður í dýpstu dýpi það sem eftir lifði dags. Frúin prófaði fluguna, en mest veiddum við á spún (svartur Toby) og eitthvað á maðk, en ‘Vinstri græn‘ og Dentist gáfu líka. Veiddum í sandfjörunni frá ósi Beilár og til norðurs. Prófuðum líka undir Réttarmúlanum og undir hrauninu að sunnan, en hvorugt gaf.

Höfundur:

Kristján Friðriksson
Veltikastið – framlengt

9. júlí 2010

Kast

Upp

Forsíða

Grundvallaratriði – veltikastið framlengt eins og The New Fly Fisher kynnir það.

Fleiri myndbrot frá The New Fly Fisher er að finna á YouTube

Höfundur:

Kristján Friðriksson
Veltikastið

9. júlí 2010

Kast

Upp

Forsíða

Grundvallaratriði – veltikastið eins og The New Fly Fisher kynnir það.

Fleiri myndbrot frá The New Fly Fisher er að finna á YouTube

Höfundur:

Kristján Friðriksson
Tungufljót 6.-8. júlí

7. júlí 2010

Veiði

Upp

Forsíða

Ekki lofaði nú veðurspáin góðu með þessa veiðiferð, en það hefði nú alveg verið hægt að koma út einhverri línu með ormi á endanum þótt hann spáði 4-9 m/sek. en að koma einhverju kvikindi út í 16 – 26 m/sek. er svolítið annað mál. Gerðum heiðarlega tilraun í gærkvöldi til að leita að fiski við sleppitjörnina í Kjarnholti og ég sá einn, enn hann vildi frekar liggja á botninum heldur en eltast við spún eða maðk. Vegna vinds var ekki viðlit að koma út flugu svo eitthvað vit væri í og svo tók steininn alveg úr þegar á okkur skall þetta kolvitlausa veður í nótt og í morgun svo ekkert varð úr hollinu kl.7 – 13. Þegar svo veðrið gekk nánast ekkert niður eftir hádegi og fyrirséð að hollið frá 16-22 yrði tómur barningur í vindi (sbr. myndina hér að ofan), pökkuðum við okkar hafurtaski og fórum heim. Nei, ég neita því alfarið að við höfum komið með öngulinn í rassinum, hann lá óhreyfður í veiðiboxinu og því telst þetta ekki með.

Höfundur:

Kristján Friðriksson