Það má greinilega teygja og toga nöfn jólasveinanna, rétt eins og þetta hnýtingarefni. Bleikjusleikir hefur greinilega ákveðna vinyl rip flugu í huga.

Ef þið rekið augun í veiðimann, hoppandi um á öðrum fæti næsta sumar, þá gæti það verið ég. Litli pungur laumaði einum sokk í pakka dagsins (Litli pungur er virkilega nafn á jólasveini, sjá Wikipedia)

Mathákurinn Fiskigleypir sendi mér þessa flugu í pakka dagsins. Það er eflaust orðið hart í ári hjá honum eftir að VogS ruddi sér til rúms.

Jæja, nú er Tvíhendir farinn að leggja manni lífsreglurnar. Ætli veiðifélaginn hafi eitthvað haft um þetta að segja?

Það hefur vonandi ekki farið framhjá neinum að Veiðikortið 2021 er komið út og ég er kominn með mitt eintak í veskið og þar verður það út næsta ár. Þau eru orðin nokkur kortin sem ég hef safnað saman. Á meðan maður klippir öll önnur kort um leið og þau renna út og er bara guðs lifandi feginn að það safni ekki kostnaði, þá held ég í fast í Veiðikortin mín og geymi þau á vísum stað.

Hverju einasta af kortunum mínum fylgja minningar úr vötnunum, af fiskinum og sumrinu sem gott er að ilja sér við á meðan beðið er eftir næsta sumri. Næsta sumar er næstum því handan við hornið og þangað til blaða ég í gegnum bæklinginn sem fylgir kortinu.

Ég átti nú alveg eins von á að þessi sveinn héti eitthvað óskiljanlegt, en kannski er Bjórþambi bara alveg eins á íslensku og færeysku.