Peter Ross

Eins og frænka hans úr Teal fjölskyldunni, Teal and Black er Peter Ross enskur að uppruna. Vafalaust í hópi vinsælustu silungaflugna á Íslandi.

Mest hefur hún verið notuð í bleikju, jafnt staðbundna sem og sjógengna.  Einhverra hluta vegna hefur hún minna verið orðuð við urriða og sjóbirting í gegnum tíðina, en ég hef laumað henni undir þar sem urriða var vona og fengið fisk, ekkert síður en bleikju.

Litirnir í þessari flugu eru nokkuð hefðbundnir fyrir silungaflugu, minna um margt á Watson’s Fancy og fleiri gjöfular flugur.

Höfundur: ókunnur
Öngull: Hefðbundin eða legglangur 6-16
Þráður: Svartur 6/0
Stél: Fanir úr bekkfjöður gullfasana
Vöf: Ávalt silfur
Búkur: Flatt silfur og rauð ull eða selshár til helminga
Skegg: Svört hanafjöður
Vængur: Brjóstfjöður úr urtönd eða síðufjaðrir gráandar.
Haus: Svartur

Bleikja Sjóbleikja Urriði Sjóbirtingur
Votfluga 10,12Púpa 12,14  Votfluga 10,12,14

Pheasant Tail

Engin fluga hefur komist í hálfkvisti við þessa flugu, hún er fyrst allra þyngdra flugna og best þeirra allra í einfaldleika sínum. Uppskriftin hér að ofan er original uppskriftin eins og Frank lýsti henni í bók sinni Nymphs and the Trout frá árinu 1958. Hér þarf ekkert fleiri orð.

Höfundur: Frank Sawyer
Öngull: Hefðbundin 10 – 16
Þráður/Vöf: Koparvír
Stél/Búkur/Bak: Fanir úr stélfjöður hringfasa

Bleikja Sjóbleikja Urriði Sjóbirtingur
10,12,14,16 10,12,14
Pheasant Tail
Pheasant Tail
Pheasant Tail - Kúluhausar
Pheasant Tail – Kúluhausar

Teal and Black

Eins og næstum allar Teal flugur er Teal and Black ensk að uppruna og sver sig greinilega í ættina. Hefur getið sér orð fyrir að vera alhliða fluga í urriða, bleikju og lax.

Höfundur: ókunnur
Öngull: Hefðbundnir 8-18
Þráður: Svartur 6/0
Stél: Bekkfjaðrir úr gullfasana
Vöf: Ávalt silfur
Búkur: Svört ull eða selshár
Skegg: Svört hanafjöður
Vængur: Fanir af urtönd eða síðufjaðrir gráandar
Haus: Svartur

Bleikja Sjóbleikja Urriði Sjóbirtingur
Votfluga 10,12 & 14

Teal, Blue and Silver

Þó þetta sé nokkuð hefðbundin, nánast klassísk Teal fluga þá ber hún sterk einkenni glepjunnar, líkist síli í spretti í kyrru vatni eða straumharðri á. Hefur reynst einna best í björtu veðri fyrir bleikju og urriða.

Höfundur: ókunnur
Öngull: Hefðbundin 8 – 18
Þráður: Svartur 6/0
Stél: Fanir úr bekkfjöður gullfasana
Vöf: Ávalt silfur
Búkur: Flatt silfur
Skegg: Blá hanafjöður
Vængur: Fanir úr brjóstfjöður urtandar
Haus: Svartur

Bleikja Sjóbleikja Urriði Sjóbirtingur
Votfluga 12 & 14 Votfluga 12 & 14

Og til að hnýta endahnútinn, meistari Davie McPhail að hnýta þessa frábæru flugu.

Vinstri græn – original

Auðvitað má ég til með að koma flugunni minni hérna að. Já, manni getur auðvitað dottið Alexandra í hug, en þessi er samt mín.

Hefur gefið mér marga glaða stund í urriðanum og eins og ég hef sagt áður, ekkert annað nafn kom til greina; Eggjandi, öflug og umhverfisvæn.

Hér að ofan og í uppskriftinni hér að neðan, gefur að líta upprunalegu útgáfuna. Með tíð og tíma hefur útfærsla hennar mildast nokkuð og glannaskapurinn í skottinu hefur vikið fyrir örlítið meiri hófsemd eins og sést á neðri myndinni.

fos_vg_wire_big

Höfundur: Kristján Friðriksson
Öngull: Hefðbundin 8 – 12
Þráður: Rauður 6/0
Stél: Ríkulegur vöndull af fíngerðum rauðum og grænum tinsel strimlum
Búkur: Grænt tinsel
Skegg: Rauð hænufjöður
Vængur: Rautt marabou sem umlykur rauða hænufjöður
Haus: Rauður

Bleikja Sjóbleikja Urriði Sjóbirtingur
Grubber 10,12 Votfluga 8,10,12Grubber 10,12

Watson’s Fancy

Afburðar fluga í bleikju og sjóbleikju, skosk að uppruna og mikið eftirlæti Donald Watson sem hnýtti hana fyrstur manna. Hnýtt sem straumfluga, púpa og jafnvel þurrfluga nú á tímum.

Þær eru ekki margar flugurnar sem hafa eignast svona mörg afkvæmi af breytilegum gerðum eins og Watson’s Fancy og menn nú á tímum veigra sér ekkert við að nefna afbrigði sín í höfuðið á frummyndinni.

Hér að neðan má sjá nokkrar púpu útfærslur þessarar frægu flugu.

Höfundur: Donald Watson
Öngull: Hefðbundnir í stærðum 6-16
Þráður: Svartur 6/0
Stél: Hausfjöður úr gullfasana
Vöf: Ávalt silfur
Búkur: Rautt og svart flos
Skegg: Svört hanafjöður
Vængur: Fanir úr svartri vængfjöður (upphaflega notuð krákufjöður)
Haus: Svartur

fos_watsonsfancykuluhaus

fos_watsonsfancynymph

Watson's afbrigði
Watson’s afbrigði


Bleikja Sjóbleikja Urriði Sjóbirtingur
10,12,14 10,12,14,16

Þingeyingur

Ein veiðnasta laxa og silungafluga Íslands er haft eftir Sigga Páls á heimasíðu höfundar. Skemmtilega, og umfram allt áhugaverða frásögn af tilurð flugunnar má lesa hér á heimasíðu Geirs Birgis.

Höfundur: Geir Birgir Guðmundsson
Öngull: Legglangur 6-10
Þráður: Svartur 6/0
Vöf: Ávalt silfur
Búkur: Græn ull
Skegg: Svart hár úr íkornaskotti
Vængur: Gul hjartarhalahár
Haus: Svartur

Grasmaðkur vs. Þingeyingur
Grasmaðkur vs. Þingeyingur
Bleikja Sjóbleikja Urriði Sjóbirtingur
6,8,10 6,8,10