Hlutföll púpu

Fullkomin púpa lítur ákveðnum lögmálum. Hlutföllin eru nokkuð ákveðin frá náttúrunnar hendi. Takist okkur í besta falli að apa eftir náttúrunni þá erum við í góðum málum eins og Frank Sawyer með Pheasant Tail. Hlutföllin eru nánast 2/3 búkur, 1/3 thorax, hausinn nettur og skottið jafn langt búkinum. Ef við bregðum langt frá þessu, þá er nánast öruggt að við endum með óraunverulega púpu í höndunum.

Púpur í silunginn

Prince Nymph, Héraeyra, Zug Bug, Copper John, Pheasant Tail

Púpur eru væntanlega besta agn sem veiðimaður getur notað þegar fiskurinn er ekki að leita fæðu við yfirborðið. Bestu púpurnar eru einfaldar og líkja eftir fæðu silungsins hverju sinni, hér er engin sýndarmennska í gangi.

Margir telja The Prince Nymph einhverja bestu púpu sem fram hefur komið í silunginn. Nú geta lesendur verið alveg rólegir, ég á eftir að nefna uppáhaldið mitt, Pheasant Tail. Prince á að líkja eftir gyðlu dægurflugunnar og tekst það alveg ágætlega. Eins má nota Prinsinn þar sem steinflugan gerir vart við sig snemma vors. Kúluhaus á Prinsinn kemur sér vel þar sem veitt er í straum eða á miklu dýpi. Uppskriftina má sjá hér.

Héraeyrað er ótvírætt ein af klassísku silungapúpunum. Líkir eftir púpu vorflugunnar og má einnig nota þar sem dægurflugur göslast í vatninu eða krabbadýr eru á ferðinni. Úfið yfirborð Héraeyrans gerir hana einhvern veginn eðlilega í útliti og sumir vilja meina að því úfnari, því betri. Þessi fluga er hnýtt á langan öngul, alveg frá 8 og niður í 22. Uppskriftina má nálgast hér.

Zug Bug er enn ein klassísk silungapúpa, ekki ólík Prince, enda á hún að einnig að líkja eftir dægurflugunni. Líkt og með Prince er hún tilvalin í dautt rek eða með kúluhaus á meira dýpi. Auðvitað fylgir svo uppskriftin hérna.

Copper John, sem heitir í höfuðið á höfundi sínum, John Barr verður einnig að teljast til klassískra silungapúpa. Þyngd hennar gerir það að verkum að hana er tilvalið að nota þar sem gyðlur dægurflugunnar liggja við botninn eða sem afleggjara aftan við stóra þurrflugu. Því minni, því betri. Sumir segja að hún virki best á öngli 14 eða 16. Skemmtileg fluga að hnýta eins og sjá má hérna.

Engin fluga hefur komist í hálfkvisti við uppáhaldið mitt; Pheasant Tail. Hún er fyrst allra þyngdra flugna og best þeirra allra í einfaldleik sínum. Hún líkir nánast fullkomlega eftir grönnum gyðlum dægurflugunnar sem eru ein vinsælasta fæða silungsins. Þessa flugu má einfaldlega aldrei vanta í boxið hjá neinum veiðimanni og allir verða að prófa að hnýta nokkur eintök. Kíktu á uppskriftina hérna.

Mistök í hnýtingum – Hausinn

Of stór haus
Nettur haus

Hún verður bara öruggari ef ég vef aðeins meira í hausinn á henni, eða hvað?  Ef þú þú vilt vera viss um að hausinn á flugunni sé nægjanlega sterkur, þá skaltu frekar nota fínni hnýtingarþráð heldur en grófari.  Þú getur frekar leyft þér að bæta við hnútum (Whip finish) ef þú ert með fínan þráð heldur en grófan. Að öðrum kosti áttu á hættu að hausinn verði of stór og í engu samræmi við aðra hluta flugunnar. Auðvitað skiljum við síðan aldrei við hausinn án þess að lakka hann vel og vandlega.

Mistök í hnýtingum – Vængurinn

Ofhnýttur vængur
Hæfilega hnýttur

Þegar við byggjum væng úr fjöðrum notum við í langflestum tilfellum fanir úr gagnstæðum hlutum fjaðrar og leggjum þær þannig saman að þær myndi () mynstur séð ofan frá. Fjaðurvæng er best að festa beint á öngulinn, það hjálpar flugunni að synda á réttum kili og umfram allt, ekki festa fjöðrina niður með of mörgum vafningum aftur eftir önglinum. Undantekningar eru auðvitað til eins og t.d. Matuka flugur þar sem vængurinn er oftar en ekki festur niður með vafningum aftur eftir öllum öngulleggnum.

Mistök í hnýtingum – Skottið

Langt og niðursveigt
Uppsveigt og bústið

Þegar við hnýtum skottið á fluguna okkar verðum við að hafa nokkra hluti í huga áður en lagt er af stað. Fyrst af öllu verður lengd þess að vera í samræmi við aðra hluta flugunnar, þ.e.a.s. ef við erum að hnýta hefðbundna flugu, ekki ‘long tail’ eða langhala. Heppilegt viðmið er að skottið sé eilítið styttra heldur en vængurinn. Efnið í skottinu, hvort heldur það er hár eða fjaðrir, skal vera jafnt í endana og liggja samsíða. Annars er hætta á að við endum með grisjótt og úfið skott.  Ef það er sveigja í efninu skal umfram allt láta sveigjuna vísa upp, ekki niður. Niðurdregnar flugur er síst til þess fallnar að glepja fisk. Þegar við festum skottið niður er rétt að gæta þess að ekki snúist upp á það eða lognist útaf til hliðanna.  Best er að halda við efnið með því að klemma það ofan á öngulinn á milli þumals og vísifingurs, læsa efninu niður með þremur vafningum og jafnvel nota einn half-hitch til öryggis.

Flugubox og standar

Auðvitað plöggar maður fyrir flottum hlutum á blogginu. Í fyrra smíðaði bróðir minn nokkur flugubox og ég var svo heppinn að eignast eitt þeirra. Þetta er hreinasta listasmíð hjá honum og nú hefur hann aukið aðeins við og bíður öllum sem vilja að eignast box og standa eins og við eigum.
Endilega kíkið á þessa gripi, það verður engin svikinn af þessu handbragði. Vörurnar eru til sölu á heimasíðu icepete

Mistök í hnýtingum – Önglar

Það virðist oft vefjast fyrir byrjendum, og kannski lengra komnum að velja rétta stærð öngla fyrir flugur. Þumalputtareglur fyrir val á önglum eru nokkrar, mér hefur reynst ágætlega að hafa eftirfarandi í huga:

  • Votflugur í vatnaveiði: hefðbundin öngull í stærðum 8-16
  • Votflugur í straumvatn: hefðbundin í stærðum 14-22
  • Púpur og lirfur í vatnaveiði: legglangur 8-14
  • Púpur og lirfum í straumvatni: 16-22
  • Buzzer í vatnaveiði: hefðbundin eða grubber 10-14

Hlutar önguls

  1. auga
  2. höfuðstæði
  3. öngulbrík
  4. skeggstæði
  5. leggur
  6. öngulbeygja
  7. agnhald
  8. öngulbil
  9. öngulbroddur
  10. öngullengd

 

Copper John

Þessi fluga er hönnuð af Bandaríkamanninum John Barr og, eins og margar aðrar flugur í gegnum tíðina, var hún skýrð í höfuðuð á höfundinum.

Í sjálfu sér er þessi fluga ekkert sérstaklega ólík öðrum kopar-vír flugum sem stungið hafa upp kollinum, en einhverra hluta vegna hefur hún skapað sér varanlegan sess í boxum veiðimanna.

Ekki óalgengt að menn laumi nokkrum vöfum af blýþræði undir thorax’inn til að auka aðeins á þyngdina. Þannig þyngd hefur hún komið mörgum veiðimanninum vel þegar koma þarf flugu vel niður í straum.

Öngull: Hefðbundin 10-14
Haus: Gullkúla
Þráður: Brúnn 8/0
Skott: Brúnar gæsa biots
Búkur: Koparvír, hæfilega fíngerður
Kragi: Peacock eða jafnvel Peacock Ice Dub
Vængir: Ljósbrúnar hænufjaðrir

Bleikja Sjóbleikja Urriði Sjóbirtingur
Stærðir 10-14 Stærðir 10-14

Frá theflyfisher.com

Zug Bug

Höfundur Zug Bug, Cliff Zug ætlaði þessari flugu að vera eftirlíking vorflugu gyðlunnar og hefur greinilega tekist það all bærilega. Þessi fluga hefur oftast lent í einhverju af top 10 sætum yfir bestu silungaflugur allra tíma.

Öngull: Hefðbundin 8-16
Þráður: Svartur 8/0
Skott: Peacock
Vöf: Koparvír
Búkur: Peacock
Vængir: Ljósbrún stokkandarfjöður
Skegg: Brún hænufjöður

Bleikja Sjóbleikja Urriði Sjóbirtingur
Stærðir 8-16 Stærðir 8-16

Prince Nymph

Ein besta alhliða silungafluga allra tíma þó hún hafi upphaflega verið hönnuð sem eftirlíking gyðlu steinflugunnar.

Sú uppskrift sem ég styðst við hérna er að finna í ‘The Fly-tying bible’ eftir Peter Gathercole með þeirri breytingu þó að ég kýs að setja kúluhaus á kvikindið eins og sýnd er á myndinni.

Kúluna yfirspekka ég gjarnan um eina stærð miðað við öngulstærð, svona til að þess að koma henni betur niður.

Einhverra hluta vegna hef ég aldrei náð fyllilega nafni höfundar flugunnar, nokkur hafa verið nefnd, en öll sett fram með fyrirvara.

Öngull: Legglangur 8-12
Þynging: Blýþráður
Þráður: Ljósbrúnn 6/0
Skott: Brún gæsa ‘biots’
Vöf: Ávalt gull
Búkur: Peacock
Vængir: Hvítir gæsa ‘biots’
Kragi: Brún hænufjöður

Bleikja Sjóbleikja Urriði Sjóbirtingur
Stærðir 8,10,12 Stærðir 8,10,12

Dunkeld

Ensk að uppruna, kennd við bæ á austurströnd Skotlands. Afburða fluga í allan silung, staðbundin og sjógöngufisk. Eitt afbrigði þessarar flugu er það þegar stélið er hnýtt úr teal fjöðrum í stað gullfasana, ekki síðri þannig, og þá er hún komin í hóp þekktra Teal-flugna.

Höfundur: óþekktur
Öngull: Hefðbundin 10-14
Þráður: Svartur 6/0
Stél: Hausfjöður af gullfasana / teal
Vöf: Gullvír
Búkur:Flatt tinsel, gull
Kragi: Orange hanafjöður
Vængur: Bronzlituð síðufjöður stokkandar
Kinnar: Frumskógarhani
Haus: Svartur

Bleikja Sjóbleikja Urriði Sjóbirtingur
10,12,14 10,12,14 10,12,14 10,12,14

Blóðormur

Oftast er þessi fluga hnýtt úr flosi eða rauðu vinyl rip og þá þyngd með blýi, en það má alveg prófa sig áfram með annað efni, t.d. fíngerðan rauðan vír eins og ég hef gert hérna:

Til að tryggja undirlag og frágang nota ég rauðan hnýtingarþráð og lakka vel yfir hausinn. Flugan á myndinni er mögulega með of stóran haus, best væri að hafa hana jafn svera eða öllu heldur, granna endanna á milli því þannig líkist hún helst  raunverulegri mýlirfu, sjá hér til hliðar.

Svo má einnig leika sér með hugmyndina eins og sýnt er hér að neðan.

Höfundur: óþekktur
Öngull: Hefðbundin, langur, grubber 12 – 16
Þráður: Rauður 8/0
Búkur: Fínn rauður vír
Haus: Rauður

fos_blodormur_kulu_big

Bleikja Sjóbleikja Urriði Sjóbirtingur
12 & 14 12 & 14

Púpur og dautt rek

Þegar púpurnar fara á kreik í vatninu er um að gera að taka vel eftir hegðun þeirra, litbrigðum og því hvar í vatnsbolnum þær halda sig. Svo má prófa sig áfram með veiðiaðferð.

Smellið fyrir stærri mynd

Dautt rek Þessi tækni er tilvalinn ef púpurnar halda sig á u.þ.b. 1,5 metrum eða grynnra. Best er að nota flotlínu með 8 – 12 feta taum, grönnum taumenda (5x eða 6x) og óþyngdar púpur. Kastið upp í eða þvert á vindinn og leyfið línunni einfaldlega að reka með vindi, gætið þess aðeins að taka inn allan slaka á línunni því tökurnar eru afskaplega nettar og því er um að gera að geta bugðist hratt við. Ágætt tilefni til að nota tökuvara.

 

Mýflugur – lirfur og púpur

Mýflugur eru mikilvæg fæða silungs á öllum stigum, þ.e. sem lirfur, púpur og flugur. Sem lirfur halda þær sig mest á botni vatnsins, en leita gjarnan frá botninum þegar þær komast á púpustigið. Þegar þær síðan komast á klakstigið og umbreytast í flugur gerist það í og við vatnsborðið.

Mýlirfur – Flugur sem líkja eiga eftir þessu stigi mýflugunnar eru m.a.:

San Juan Worm
Blóðormur
Super Floss Bloodw.

Allar eru þessar flugur áberandi rauðar til að líkja eftir blóðrauð- anum sem lirfurnar safna til að halda lífi í köldu vatninu. Bestu skilyrðin til að veiða á þessa tegund flugna er í lítilli eða dvínandi birtu, á eða sem næst botninu með eins litlum inndrætti og unnt er.

Púpur – Flugur sem líkja eiga eftir mýpúpum eru m.a.:

Chromie
Gyllt Héraeyra
Zug Bug

Veiðiaðferðin með þessum flugum er fyrst og fremst; hægt. Inndrátturinn helst með rólegum fingurvafningum og góðum hléum á milli. Fyrirmyndirnar eru frekar hægfara og því um að gera að apa sem mest eftir þeim.

Það er kannski ekki úr vegi að hafa þessar í huga þegar maður situr við hnýtingarnar þessa dagana.

Misbrestur – Asi á flugunni?

Það er einkennileg árátta hjá manni að leyfa flugunni ekki að vera í vatninu. Asi á flugunni þýðir að hún eyðir skemmri tíma í vatninu og meiri í loftinu, hvað þá þegar maður notar fleiri en 1-2 falsköst til að koma henni á sinn stað. Þá er tvennt í stöðunni; hægja á inndrættinum og fækka falsköstum.

  • Einhver algengustu mistök veiðimanna er of mikill hraði í inndrætti. Hægðu á þér, það er sjaldnast að við séum að veiða með eftirlíkingu af sprettfiski, lirfur og bobbingar hreyfa sig merkilega lítið.
  • Fluga þarf að vera á eða í vatninu til að veiða. Fækkaðu falsköstum, þá eyðir flugan meiri tíma í að veiða.

 

Að breyta punktum í fjaðrir

Nei, ég er ekki alveg búinn að missa mig, en mig langar að benda mönnum á skemmtilega leið til að nota Vildarpunkta við innkaup á fluguhnýtingarefni. Hér fer á eftir smá lýsing á tilraun sem ég gerði.

Ég átti nokkra Vildarpunkta hjá Icelandair sem ég sá ekki framá að nota í ferðalög og ákvað því að breyta þeim í gjafabréf hjá Amazon. Ég byrjaði á því að stofna mér aðgang á síðunni www.points.com og tengja hann við vildarpunktana mína. Allt og sumt sem ég þurfti var vildarkortanúmer og lykilorð að Vildarklúbbi Icelandair. Eftir að Points.com hafði fengið upplýsingar um punktastöðuna mína, breytti ég þeim einfaldlega í gjafabréf hjá Amazon. Mjög einfalt ferli, fékk einkenni gjafakortsins sent í tölvupósti og gat því hafist handa að leita á Amazon. Auðvitað leitaði ég í veiðivörunum þeirra (þú getur prófað það hér) þar sem ég fann ham af Fasana á prýðilegu verði (12,95 USD). Annars fannst mér verðlagningin ekkert rosalega hagstæð, kannski óhagstætt gengi hafi þar einhver áhrif? Engu að síður, þá ákvað ég að prófa og staðfesti kaupin og notaði gjafabréfið mitt til greiðslu.  Þetta gerði ég 22.okt. og í dag, 9.nóv. var pakkinn minn kominn á pósthúsið og ég sótti hann, spenntur.

Upp úr pakkanum kom þessi fíni hamur, vel verkaður, þurr og fínn með óteljandi afbrigðum fjaðra. Þess má svo geta að ég þurfti ekki að borga nein aðflutningsgjöld eða VSK, en flutningskostnaðurinn frá USA var auðvitað nokkur.

Svona er nú hægt að breyta punktum í fjaðrir.

Alder

Ein þeirra flugna sem horfið hafa aðeins úr boxi veiðimanna hin síðari ár, að ósekju. Alder er ensk fluga að uppruna og reyndist íslenskum veiðimönnum vel um árabil. Vona að ég sé að fara með rétt mál þegar ég segi að ofangreind mynd sýni það afbrigði Alder sem hefur reynst einstaklega vel í Þingvallavatni.

Einhverra hluta vegna hefur það reynst mönnum vel í urriða að hafa vænginn allt að tvöfaldri búklengd og nota ljósari hanafjöður í skeggið.

Bleikjan, jafnvel sjóbleikjan hefur síðan verið hrifnari af útfærslu með rauðum broddi (rautt flos) og ljósari væng. Sumir ganga svo langt að setja ljóst skott úr gullfasanafjöður á kvikindið, en þá segja aðrir stopp og vilja skíra fluguna upp á nýtt.

Svo má einfaldlega halda sig við upprunalegt hráefni en beita örlítið öðrum aðferðum og hringvefja kalkúna- og hanafjöður og þá getur útkoman orðið þessi:

Höfundur: óþekktur
Öngull: Hefðbundin 10 – 16
Þráður: Svartur 8/0
Búkur: Fanir úr páfuglsfjöður
Skegg: Svört hanahálsfjöður
Vængur: Fanir úr flekkóttri kalkúnafjöður
Haus: Svartur

Bleikja Sjóbleikja Urriði Sjóbirtingur
Votfluga 10,12 & 14 Votfluga 10,12 & 14

Flugur – uppskriftir

Í framhaldi af boxinu mínu, fór ég í gegnum nokkrar bækur og greinar með flugu uppskriftum sem ég hef sankað að mér og setti einar 23 niður á vefinn. Þetta eru sem sagt uppskriftir og athugasemdir á 23 af 24 flugum sem ég þykist ætla að hafa í boxinu mínu á næstunni.

Uppskriftirnar eru aðgengilegar úr greininni ‘Boxið mitt’ með því að smella á nafn viðkomandi flugu. Eins má nálgast þessar uppskriftir úr valmyndinni undir Flugur / Uppskriftir.

Boxið mitt

Það eru þó nokkrir sem setja saman lista yfir ‘sínar’ flugur, þ.e. hvað leynist í boxinu. Sjálfur hef ég verið að fylgjast með nokkrum svona hlekkjum og þrælað mig í gegnum vinsælustu flugurnar hér og þar. Ef ég klára nú einhvern tíman að hnýta ‘mínar’ flugur þá gæti boxið mitt litið einhvern veginn svona út:

Black Ghost
Bleikja: N/A
Sjóbleikja: N/A
Urriði: Straumfluga 8, 10 & 12
Sjóbirtingur: Straumfluga 6, 8 & 10
Blae and Black
Bleikja: Votfluga 10, 12 & 14
Sjóbleikja: N/A
Urriði: N/A
Sjóbirtingur: N/A
Bleik og blá
Bleikja: Kúluhaus 8 & 10 / Púpa á grubber 10 & 12
Sjóbleikja: Straumfluga 6, 8 & 10
Urriði: N/A
Sjóbirtingur: N/A
Bloody Butcher
Bleikja: N/A
Sjóbleikja: Votfluga 6, 8 & 10
Urriði: Votfluga 8,10 & 12
Sjóbirtingur: N/A
Blue Charm
Bleikja: N/A
Sjóbleikja: N/A
Urriði: Straumfluga 8 & 10
Sjóbirtingur: Straumfluga 8 &10
Butcher
Bleikja: Votfluga 10, 12 & 14
Sjóbleikja: N/A
Urriði: N/A
Sjóbirtingur: N/A
Connemara Black
Bleikja: Votfluga 8, 10 & 12
Sjóbleikja: N/A
Urriði: N/A
Sjóbirtingur: N/A
Copper John / Kopar moli / Rafm.flugan
Bleikja: 10, 12 & 14
Sjóbleikja: N/A
Urriði: 10, 12 & 14
Sjóbirtingur: N/A
Dentist
Bleikja: N/A
Sjóbleikja: Straumfluga 6, 8 & 10
Urriði: Straumfluga 8, 10 & 12
Sjóbirtingur: Straumfluga 6, 8 & 10
Dýrbítur
Bleikja: N/A
Sjóbleikja: Bleikur 6, 8 & 10
Urriði: N/A
Sjóbirtingur: Svartur 6, 8 6 10
Flæðarmús
Bleikja: N/A
Sjóbleikja: N/A
Urriði: Straumfluga 8 & 10
Sjóbirtingur: Straumfluga 6, 8 & 10
Heimasætan
Bleikja: Straumfluga 8 & 10 / Púpa á grubber 10 & 12
Sjóbleikja: Straumfluga 6, 8 & 10
Urriði: N/A
Sjóbirtingur: N/A
Héraeyra
Bleikja: 10 & 12
Sjóbleikja: N/A
Urriði: 10 & 12
Sjóbirtingur: N/A
Mickey Finn
Bleikja: Straumfluga 6, 8 & 10
Sjóbleikja: Straumfluga 6, 8 & 10
Urriði: Straumfluga 8 & 10
Sjóbirtingur: Straumfluga 6, 8 & 10
NobblerBleikja: Orange & bleikur 8, 10 & 12
Sjóbleikja: Orange, rauður & bleikur 8, 10 & 12
Urriði: Olive & svartur 8, 10 & 12
Sjóbirtingur: Orange 8, 10 & 12
Peacock
Bleikja: Gjarnan með kúluhaus 8, 10 & 12
Sjóbleikja: N/A
Urriði: Með og án kúluhauss 8, 10 & 12
Sjóbirtingur: N/A
Peter Ross
Bleikja: Votfluga 10 & 12 / Púpa 12 & 14
Sjóbirtingur: Votfluga 10, 12 & 14
Urriði: N/A
Sjóbirtingur: N/A
Pheasant Tail
Bleikja: 10, 12 & 14
Sjóbleikja: N/A
Urriði: 10 & 12
Sjóbirtingur: N/A
Royal Coachman
Bleikja: N/A
Sjóbleikja: Votfluga 10 & 12
Urriði: N/A
Sjóbirtingur: N/A
Teal and Black
Bleikja: N/A
Sjóbleikja: N/A
Urriði: Votfluga 10, 12 & 14
Sjóbirtingur: N/A
Teal, Blue and Silver
Bleikja: Votfluga 12 & 14
Sjóbleikja: N/A
Urriði: Votfluga 12 & 14
Sjóbirtingur: N/A
Vinstri græn
Bleikja: Púpa á grubber 10 & 12 / Straumfluga 10 & 12
Sjóbleikja: N/A
Urriði: Straumfluga 8, 10 & 12 / Púpa á grubber 10 & 12
Sjóbirtingur: N/A
Watson’s Fancy
Bleikja: Kúluhaus 10, 12 & 14
Sjóbleikja: N/A
Urriði: Votfluga 10 & 12
Sjóbirtingur: N/A
Þingeyingur
Bleikja: N/A
Sjóbleikja: N/A
Urriði: Straumfluga 6, 8 & 10
Sjóbirtingur: Straumfluga 6, 8 & 10

Eins og sjá má þá er þetta all þokkalegur listi og greinilega nóg að gera á næstunni að fylla á boxið. Fyrir þá sem áhuga hafa er hægt að nálgast þennan lista hér á PDF formi. Uppskriftir að þessum flugum má nálgast með því að smella á nafn flugunnar.


Black Gnat

Bresk að uppruna og ein af betri flugum í silung sem skotið hefur upp kollinum. Afskaplega vinsæl meðal veiðimanna á Íslandi og hefur þar af leiðandi tælt margan fiskinn í ám og vötnum. Eins og margar aðrar klassískar er hún til sem votfluga og þurrfluga.

Bleikja Sjóbleikja Urriði Sjóbirtingur