Flokkur: Af bekknum

Nokkrar flugur sem hafa ratað af hnýtingarbekknum yfir í boxið mitt.

Af bekknum #4

Náskyldur ættingi Pheasant Tail, Pheasant, er alltaf í boxum okkar hjóna. Til að byrja með var hann aðeins í mínu boxi, en fljótlega fluttu nokkrir þeirra sig um í set í box frúarinnar og hafa átt fasta búsetu þar síðan, nánast lögheimili. Afskaplega einfaldur í hnýtingu og líkt og náfrændi hans, Pheasant Tail dugir hann undir ýmsum kringumstæðum. Ég hnýti hann í stærðum; 8, 10, 12, 14 og 16, bæði á beina króka og grubber. Það eru einhverjar tiktúrur í mér að hnýta hann aðeins með koparkúlu og byggja örlítið undir fjaðrirnar næst hausnum með brúnu ullargarni. Það hefur kannski ekkert að segja, en þannig líður mér betur með hann.

fos_pheasant8-10-12-14-16
Pheasant #10, #12, #14 & #16

Af bekknum #3

Mér er það stórlega til efs að nokkur silungsveiðimaður fari til veiða án þess að vera með eitthvert eitt eða fleiri afbrigði af Pheasant Tail í farteskinu. Ég er yfirleitt með nokkur afbrigði í boxinu og helst fer ég aldrei af stað án þess að vera með uppáhaldið mitt með; Pheasant Tail með kúluhaus, hringvöfðu skeggi og rauðum kraga. Klassískur er hann líka með og svo Pólskur þar sem rauðum broddi er bætt við. Fyrir konuna hef ég svo bætt örfáum rauðum fjöðrum í skottið, þannig vill hún hafa hann. Svona er nú smekkur manna misjafn og eitt er víst, þessi fluga væri aldrei til í öllum þessum afbrigðum ef smekkur fiskanna væri ekki álíka misjafn. Uppskriftirnar; Pólskur og original og svo er bara um að gera að bregða út af og prófa eitthvað nýtt.

Pheasant Tail - Kúluhausar
Pheasant Tail – Kúluhausar

Ummæli

Urriði – 26.01.2013Bara svo þú vitir það þá veiðist ekkert á PT með svona hringvöfðu skeggi! Það er bara svoleiðis! En svona í alvöru þá eru þettar flottar flugur hjá þér og örugglega ein best uppfærða veiðisíðan svona yfir háveturinn!

Svar: Ljótt að heyra, Urriði. Þú verður að kenna urriðunum þínum, þarna fyrir austan betri siði. Frændur þeirra hérna fyrir sunnan eru alveg vitlausir í þessa 🙂

Af bekknum #2

Annar af bekknum er sjálfur Kibbi (Ormurinn Kibbi). Þó ég hafi valið Kibba í boxið mitt, þá er hann ekkert endilega heilagur. Það eru nefnilega svo margar flugur sem svipar verulega til hans að oft verður það hálf vandræðalegt að nefna þær réttum nöfnum, þessar svörtu úr vínyl rib sem finnast í boxum nánast allra veiðimanna.

Þessar flugur hnýti ég jafnt á grubber og beina öngla. Ég kannast ekki við að þyngja þær neitt umfram kúluna, en hef heyrt að sumir leggi drjúgt undir vínylinn af blýi til að koma þeim örugglega niður í kalt Þingvallavatnið. Sjálfum finnst mér alltaf skemmtilegast að draga hann löturhægt inn, jafnvel láta hann liggja vel og lengi áður en ég hreyfi við honum. Uppskriftina má nálgast hér.

Kibbi – Stærðir 10,12,14

Ummæli

12.01.2013 – Stefán HjaltestedFyrir mér heitir þessi púpa ekkert annað en Mobuto með rauðum kraga.

Svar: Stórkostlegt að þú skuli nefna þetta. Þegar ég var rétt ný sýktur af veiðidellunni fór ég í veiðivöruverslun hér í bænum og bað um .. svona svartan Mobuto með kraga‘. Ef ég hef í einhvern tíma viljað sökkva niður um gólfið, þá var það þegar ég sá hneykslunina í svip afgreiðslumannsins þegar hann svaraði mér þurrlega ‘Mobuto er ekki með kraga’ og þar með var málið dautt af hans hálfu. Svona getum við greinilega alltaf nefnt sama hlutinn mörgum nöfnum. En fyrst Mobuto kom til umræðu, þá er uppskrift af honum hérna.

14.02.2013 – SkúliMóbútó. Mustad 3906B #10. svartur sterkur tvinni og reyklitað swannund.

Af bekknum #1

Núna er maður að hamast við að fylla á fluguboxin fyrir næsta sumar. Næstu vikurnar ætla ég að gefa lesendum smá innsýn í það sem ég er að hnýta hverju sinni með því að velja eina flugu á viku og fjalla smávegins um hana hérna á síðunni.

Fyrst af bekknum er Black Zulu. Klassísk silungafluga sem hefur fylgt okkur flugunördunum í fjölda ára, stendur alltaf fyrir sínu, líkist engu en samt öllu. Mér hefur hún gefið best í stærðum #10 og niður í #14. Ég veit um nokkra sem hnýta hana enn smærri og hef prófað hana þannig, en einhverra hluta vegna ekki tekist að festa hana þannig í fiski. Þegar sagt er að hún líkist engu en samt öllu, verður mér alltaf hugsað til Galdralapparinnar og systur hennar hér sunnan heiða, Þerrilöpp. Kannski er það bara áberandi rauða skottið sem kveikir þetta hjá mér. Hvað sem því líður verður Black Zulu í boxinu mínu í sumar. Uppskriftina má nálgast hér.

Black Zulu – Stærðir 10,12,14

Ummæli

03.01.2013 – Svarti ZuluKlárlega besta flugan :)

SvarJá, alveg átti ég nú von á að eitthvað komment kæmi frá þér, Svarti Zulu 🙂

06.01.2013 – Ragnar Hólm (flugur.is)Já, Zulu minnir einmitt á Galdralöppina! Mögnuð fluga/púpa.

Boxið mitt

Það eru þó nokkrir sem setja saman lista yfir ‘sínar’ flugur, þ.e. hvað leynist í boxinu. Sjálfur hef ég verið að fylgjast með nokkrum svona hlekkjum og þrælað mig í gegnum vinsælustu flugurnar hér og þar. Ef ég klára nú einhvern tíman að hnýta ‘mínar’ flugur þá gæti boxið mitt litið einhvern veginn svona út:

Black Ghost
Bleikja: N/A
Sjóbleikja: N/A
Urriði: Straumfluga 8, 10 & 12
Sjóbirtingur: Straumfluga 6, 8 & 10
Blae and Black
Bleikja: Votfluga 10, 12 & 14
Sjóbleikja: N/A
Urriði: N/A
Sjóbirtingur: N/A
Bleik og blá
Bleikja: Kúluhaus 8 & 10 / Púpa á grubber 10 & 12
Sjóbleikja: Straumfluga 6, 8 & 10
Urriði: N/A
Sjóbirtingur: N/A
Bloody Butcher
Bleikja: N/A
Sjóbleikja: Votfluga 6, 8 & 10
Urriði: Votfluga 8,10 & 12
Sjóbirtingur: N/A
Blue Charm
Bleikja: N/A
Sjóbleikja: N/A
Urriði: Straumfluga 8 & 10
Sjóbirtingur: Straumfluga 8 &10
Butcher
Bleikja: Votfluga 10, 12 & 14
Sjóbleikja: N/A
Urriði: N/A
Sjóbirtingur: N/A
Connemara Black
Bleikja: Votfluga 8, 10 & 12
Sjóbleikja: N/A
Urriði: N/A
Sjóbirtingur: N/A
Copper John / Kopar moli / Rafm.flugan
Bleikja: 10, 12 & 14
Sjóbleikja: N/A
Urriði: 10, 12 & 14
Sjóbirtingur: N/A
Dentist
Bleikja: N/A
Sjóbleikja: Straumfluga 6, 8 & 10
Urriði: Straumfluga 8, 10 & 12
Sjóbirtingur: Straumfluga 6, 8 & 10
Dýrbítur
Bleikja: N/A
Sjóbleikja: Bleikur 6, 8 & 10
Urriði: N/A
Sjóbirtingur: Svartur 6, 8 6 10
Flæðarmús
Bleikja: N/A
Sjóbleikja: N/A
Urriði: Straumfluga 8 & 10
Sjóbirtingur: Straumfluga 6, 8 & 10
Heimasætan
Bleikja: Straumfluga 8 & 10 / Púpa á grubber 10 & 12
Sjóbleikja: Straumfluga 6, 8 & 10
Urriði: N/A
Sjóbirtingur: N/A
Héraeyra
Bleikja: 10 & 12
Sjóbleikja: N/A
Urriði: 10 & 12
Sjóbirtingur: N/A
Mickey Finn
Bleikja: Straumfluga 6, 8 & 10
Sjóbleikja: Straumfluga 6, 8 & 10
Urriði: Straumfluga 8 & 10
Sjóbirtingur: Straumfluga 6, 8 & 10
NobblerBleikja: Orange & bleikur 8, 10 & 12
Sjóbleikja: Orange, rauður & bleikur 8, 10 & 12
Urriði: Olive & svartur 8, 10 & 12
Sjóbirtingur: Orange 8, 10 & 12
Peacock
Bleikja: Gjarnan með kúluhaus 8, 10 & 12
Sjóbleikja: N/A
Urriði: Með og án kúluhauss 8, 10 & 12
Sjóbirtingur: N/A
Peter Ross
Bleikja: Votfluga 10 & 12 / Púpa 12 & 14
Sjóbirtingur: Votfluga 10, 12 & 14
Urriði: N/A
Sjóbirtingur: N/A
Pheasant Tail
Bleikja: 10, 12 & 14
Sjóbleikja: N/A
Urriði: 10 & 12
Sjóbirtingur: N/A
Royal Coachman
Bleikja: N/A
Sjóbleikja: Votfluga 10 & 12
Urriði: N/A
Sjóbirtingur: N/A
Teal and Black
Bleikja: N/A
Sjóbleikja: N/A
Urriði: Votfluga 10, 12 & 14
Sjóbirtingur: N/A
Teal, Blue and Silver
Bleikja: Votfluga 12 & 14
Sjóbleikja: N/A
Urriði: Votfluga 12 & 14
Sjóbirtingur: N/A
Vinstri græn
Bleikja: Púpa á grubber 10 & 12 / Straumfluga 10 & 12
Sjóbleikja: N/A
Urriði: Straumfluga 8, 10 & 12 / Púpa á grubber 10 & 12
Sjóbirtingur: N/A
Watson’s Fancy
Bleikja: Kúluhaus 10, 12 & 14
Sjóbleikja: N/A
Urriði: Votfluga 10 & 12
Sjóbirtingur: N/A
Þingeyingur
Bleikja: N/A
Sjóbleikja: N/A
Urriði: Straumfluga 6, 8 & 10
Sjóbirtingur: Straumfluga 6, 8 & 10

Eins og sjá má þá er þetta all þokkalegur listi og greinilega nóg að gera á næstunni að fylla á boxið. Fyrir þá sem áhuga hafa er hægt að nálgast þennan lista hér á PDF formi. Uppskriftir að þessum flugum má nálgast með því að smella á nafn flugunnar.