2019 – Viðurkenningar

Árið 2019 skráðu 335 einstaklingar sig inn á Febrúarflugu hópinn á Facebook og nutu þar 523 flugna sem 65 hnýtarar birtu þar í mánuðinum. Haldin voru sex Febrúarflugukvöld í Árósum, félagsheimili Ármanna og rúmlega 250 gesti bar þar að garði. Enn eitt árið voru því nær öll fyrri met þessa átaks slegin, því aldrei áður hafa jafn margir lagt fram flugur í þetta átak og aldrei hafa jafn margir notið þeirra.

Viðurkenningar sem veittar voru heppnum hnýturum fyrir þátttökuna hafa trúlega aldrei verið veglegri og vitaskuld kunnum við öllum styrktaraðilum okkar bestu þakkir fyrir stuðninginn og allan velvilja sem þeir hafa sýnt þessu átaki okkar. Kærar þakkir fyrir, allir sem styrktu okkur, komu að og tóku þátt í þessu átaki okkar þetta árið. Við erum endalaust þakklát fyrir það að geta staðið að þessu með jafn miklum velvilja allra. Hér að neðan má sjá nöfn þeirra heppnu og þær viðurkenningar sem féllu þeim í skaut þetta árið. Flugurnar 523 má skoða með því að smella hérna.