Þrátt fyrir að vera ein af ‘gömlu’ flugunum hefur March Brown ekki verið neitt afskaplega vinsæl hin síðari ár hjá okkur á Fróni, sem er í sjálfu sér einkennilegt því hér er á ferðinni fluga sem á ættir sínar að rekja í silungsveiði Hálanda Skotlands og fór fyrst á prent 1886 í flugubíblíu Pritt’s, North Country Flies. Fluga sem hefur alla tíð gefið vel í vatnaveiði á Bretlandseyjum og víðar.
Áhugi minn á þessari flugu vaknaði að ráði í sumar þegar ég fikraði mig áfram með áberandi gylltar útgáfu þekktra flugna eins og Pheasant Tail og fleiri, þannig að ég ákvað að koma uppskrift af henni fyrir á blogginu og þá sérstaklega þegar snillingurinn Davie McPhail setti myndband af henni á YouTube.
Höfundur: ókunnur
Öngull: Hefðbundin 8 – 16
Þráður: Rauður / orange / dökk brúnn 8/0
Skott: Bronze Mallard (sumir vilja þó sleppa skottinu)
Vöf: Gylt tinsel
Búkur: Grá-brúnn refur / íkorni / héri
Kragi: Fasanafjöður
Vængur: Fasanafjöður (væng gjarnan sleppt ef skotti er sleppt)
Haus: Koparkúla
| Bleikja | Sjóbleikja | Urriði | Sjóbirtingur |
|---|---|---|---|
| 10,12,14,16 | 10,12,14 |
Hér setur Davie McPhail toppinn á kökuna með því að hnýta full-klædda March Brown, með skotti, væng og kraga, glæsileg fluga.
Í þætti „Flugucastið“ #21 talar Jón Aðalsteinn um þessa flugu og uppruna hennar. Svo virðist sem fyrst hafi þessari flugu verið lýst í „A Treatyse of Fysshynge wyth an Angle“ árið 1496 !
Sjá: https://globalflyfisher.com/patterns/the-march-brown-legacy
Mikið rétt, en því miður er lýsing Dame Juliana Berners svo stutt og einföld að hún gæti átt við töluverðan fjölda flugna; „The donne flye the body of the donne woll & the wyngis of the pertryche“. Þessi örfáu orð ‘lýsa’ varla nokkurri þeirra svo vel sé. Engu að síðu skemmtileg kenning.